جاڭا ەڭبەك زاڭناماسىمەن كەلىسپەيتىنىن بىلدىرگەن فرانسياداعى ەڭ ءىرى كاسىپوداقتاردىڭ ءبىرى بيىل جازدا ەلدە فۋتبولدان وتەتىن «ەۋروپا چەمپيوناتىن بولدىرمايمىز» دەپ سەس كورسەتىپ وتىر، - دەپ حابارلايدى Qamshy.kz 24kz-كە سىلتەمە جاساپ.

رەيتەر اگەنتتىگىنىڭ حابارلاۋىنشا، «جالپىعا بىردەي ەڭبەك كونفەدەراسياسىنىڭ» مۇشەلەرى جارىستى قابىلدايتىن 10 قالانىڭ ءارقايسىسىندا نارازىلىق اكسيالارىن وتكىزبەك. سونىڭ سالدارىنان جۇك تاسىمالى، قوعامدىق كولىك، جەدەل جاردەم جانە قوقىس شىعارۋ قىزمەتى توقتاپ قالۋى مۇمكىن دەگەن ءقاۋىپ بار.

فرانسيا كوشەلەرىن جايلاعان شەرۋلەرگە ەڭبەك ءمينيسترىنىڭ ۇسىنعان زاڭ جوباسى تۇرتكى بولىپ وتىر. قۇجات قىزمەتكەرلەردىڭ جۇمىس ساعاتتارىن كوبەيتۋدى جانە ۇستەماقى مولشەرىن ازايتۋدى كوزدەيدى. سونداي-اق، قىزمەتكەرلەردى جۇمىسقا قابىلداۋ جانە شىعارۋ جولدارىن جەڭىلدەتۋ جوسپارلانىپ وتىر.