الماتىدا 16 ميلليون تەڭگەسىمەن ۇرلانعان سەيفكە قاتىستى مالىمەت بەرگەن ادامعا سىياقى تاعايىندالدى ، - دەپ جازادى Qamshy.kz.

الماتى قالاسى المالى اۋدانىنداعى پاتەرلەردىڭ بىرىنە 25 ءساۋىر كۇنى ۇرى تۇسكەن. بەلگىسىز ءۇش ادام ول پاتەردەن تۇرمىستىق تەحنيكا، التىن بۇيىمدارمەن بىرگە ىشىندە 16 ميلليون تەڭگە اقشاسى بار سەيفتى دە ۇرلاپ كەتكەن.  ءۇي يەسى ۇرىلار سەيفتى شاڭسورعىشتىڭ قورابىنا سالىپ الىپ شىققان. بولعان وقيعا پاتەر مەن تۇرعىن ءۇي كىرەبەرىسىندەگى بەينەباقىلاۋ كامەرالارىنا جازىلىپ قالعان.

ءۇيى تونالعان ازامات راۋان ءابدىراحمانوۆ 16 ميلليون تەڭگە اقشامەن بىرگە ۇيىنەن ۇرلانعان زاتتاردىڭ جالپى قۇنىن 17 ميلليون تەڭگەگە باعالاپ وتىر.

ر. ءابدىراحمانوۆ قىلمىسكەرلەر تۋرالى قانداي دا ءبىر مالىمەت ۇسىنعان ادامعا 350 مىڭ تەڭگە كولەمىندە سىياقى بەرۋگە ءازىر ەكەندىگىن ايتادى.

«بۇل جەردە مەنىڭ ماقساتىم تەك ءوز دۇنيەمدى تاۋىپ الۋ عانا ەمەس. سوڭعى ۋاقىتتا وسىنداي پاتەر توناۋشىلار تۋرالى ءجيى ەستيتىن بولدىق. ءتىپتى، ۇرىلار ءۇيدىڭ اينالاسىنداعى بەينەكامەرالاردان دا سەسكەنبەيتىن بولعان. ول كامەراداعى جازبالاردا قىلمىسكەرلەردىڭ ءتۇر-تۇلعاسى، بەت الپەتى انىق كورىنەدى. مەن ازاماتتاردى ولاردى ىزدەۋگە، سول ارقىلى ۇرىلاردىڭ ۇستالۋىنا كومەكتەسۋگە شاقىرامىن. سول ماقساتتا ءوز تاراپىمنان ۇرىلار تۋرالى مالىمەت بەرگەن ادامعا 350 مىڭ تەڭگە سىياقى بەرۋگە ءازىرمىن»، - دەيدى ول.

پاتەر توناۋشىلار تۋرالى قانداي دا ءبىر ماعلۇمات بىلەتىن ازاماتتار تومەندە كورسەتىلگەن بايلانىس قۇرالدارى ارقىلى ر. ءابدىراحمانوۆقا حابارلاسا الادى.

ەل. پوشتا: M.rauan@gmail.com، تەلەفوندار (727) 254-46-12، (727) 254-46-14  – المالى ءاىىب كەزەكشى ءبولىمى؛