ادۆوكات ەرمەگيايەۆتىڭ پارا العانى دالەلدەنبەگەنىن مالىمدەدى، - دەپ حابارلايدى Qamshy.kz Tengrinews.kz-كە سىلتەمە جاساپ. "استانا ەكسپو - 2017" ءىسى بويىنشا تاراپتاردى قاتار تىڭداۋ باستالدى. 

"ىستە باستىسى جوق: ەرمەگيايەۆتىڭ زاڭسىز بۇيرىقتارى مەن قاۋلىلارى نەمەسە وسى تاقىرىپتاعى اڭگىمەلەرى جوق. بىرەۋ-مىرەۋدەن قاراجات العانى جايلى دەرەك جوق. (...) سىبايلاستارى ارقىلى ەرمەگيايەۆكە اقشا جەتكىزىلدى دەلىنگەن دەرەك تە جوق. ونىڭ ۇستىنە تەرگەۋ انىقتامادى دەلىنگەن ناقتى سىبايلاس تا جوق. وسىنداي جاعدايدا ەرمەگيايەۆتىڭ ىسىندە ق ر قك 311-بابىنىڭ 1-بولىگى بويىنشا (پارا الۋ") كىناسىنىڭ بار ەكەنىن دالەلدەيتىن قىلمىس قۇرامى جايلى ايتۋ - زاڭسىز"، - دەدى سوتقا ەرمەگيايەۆتىڭ ادۆوكاتى گالينا ءالىمعوجينا. 

"311 باپتىڭ پوزيسياسىنان انىقتالعان، جاۋاپ الىنعان جانە وزگە دالەلدەرمەن ناقتى كورسەتپە بەرىپ وتىرعان سىبايلاس قاراستىرىلىپ وتىر. مۇندا ماسەلە قىلمىستىڭ جاسالعانىنىڭ دالەلدەنگەنى تۋرالى عانا بولادى. وسى جاعدايدا تەرگەۋگە تاۋەلدى تۇلعالاردىڭ جالعان كورسەتپەلەرىنەن باسقا، وسى ىستە دالەلدەر جوق. ال اقشا جەتكىزدى دەلىنگەن ادامنان جاۋاپ الىنعانى بىلاي تۇرسىن، ول انىقتالمادى دا"، - دەدى ۇلتتىق كومپانيانىڭ ەكس-باسشىسىنىڭ ادۆوكاتى.

وسىعان دەيىن پروكۋرورلار تالعات ەرمەگيايەۆتى 14 جىلعا باس بوستاندىعىنان ايىرۋدى سۇراعان بولاتىن. ءىستىڭ قالعان فيگۋرانتتارىنا 3 جىلدان 11 جىلعا دەيىن باس بوستاندىعىنان ايىرۋ جازاسى سۇرالدى.