بۇگىن كوكشەتاۋدا ءوتىپ جاتقان جەر كوميسسياسىنىڭ وتىرىسىندا اقمولا وبلىسىنىڭ اكىمى ءوزىنىڭ جانە تۋىستارىنىڭ پايدالانىپ وتىرعان اۋىل شارۋاشىلىق جەرلەرىنىڭ كولەمى 80 مىڭ گەكتاردى قۇرايتىنىن ايتتى، - دەپ حابارلايدى Qamshy.kz.
كۋلاگينگە پايدالانىپ وتىرعان جەر كولەمى تۋرالى سۇراقتى كوميسسيا مۇشەسى مۇحتار تايجان قويدى.
«بۇگىندە بارلىعى 80 مىڭ گەكتار ەگىستىك جەردى پايدالانىپ وتىرمىز»، - دەپ جاۋاپ بەردى س. كۋلاگين.
مۇحتار تايجان سونداي-اق، جەر كوميسسياسىنداعى قۇقىقتىق توپ لاتيفۋنديستەرگە قارسى زاڭ نورمالارىن ازىرلەۋدى ۇسىناتىنىن، ەلدىڭ كىمدە قانشا جەر بارىن بىلۋگە قۇقىلى ەكەنىن اتاپ ايتتى.
