ءبىز جەر ماسەلەسىن تالقىلاعاندا بولاشاقتى، ەلىمىزدى، حالقىمىزدى ويلاۋىمىز كەرەك. سىرتتان كەلگەن كىسى قازاقستاندى كوتەرتەمىن، كوركەيتەمىن دەپ كەلمەيدى. بۇل – كوكشەتاۋدا ءوتiپ جاتقان جەر رەفورماسى ءجونiندەگi كوميسسيانىڭ العاشقى كوشپەلi وتىرىسىنا قاتىسقان ق ر دەنساۋلىق ساقتاۋ ءىسىنىڭ ۇزدىگى بولات ءجانادىلوۆتىڭ ءسوزى. بۇل تۋرالى Qamshy.kz حابارلايدى.
«ەلدىڭ تاعدىرى، حالىقتىڭ تاعدىرى ءبىزدىڭ ەلىمىزدىڭ بولاشاعى –جەر ماسەلەسى. ...تاۋەلسىزدىگىمىزدىڭ بولاشاعى، ءبىزدىڭ قوعامىمىزدىڭ تۇراقتىلىعى مەن بىرلىكتىڭ ماسەلەسى. ءبىز كوميسسيا وتىرىسىنىڭ جۇمىستارىن تەلەارنالاردان دا، «ەگەمەن قازاقستان» بەتتەرىنەن دە وقىپ وتىرامىز. كوميسسيا مۇشەلەرىنىڭ سويلەگەنىنە كەيدە سۇيسىنەسىڭ، كەيدە كۇيىنەسىڭ. ماسەلەن، 23 مامىردا «سەرپىلىس» باعدارلاماسىندا مۇرات ابەنوۆ مىرزانىڭ ايتقان ءسوزى بار: «جەر ماسەلەسىنە جەرگە قاتىستى شارۋاسى جوق كىسىلەر ارالاسىپ جاتىر»، - دەپ. سوندا بۇل قالاي؟ جەر، مەن ويلايمىن، ءار ازاماتتىڭ بۇل تۋرالى قۇقىعا بار، حاقىسى بار ايتۋعا»، - دەدى بولات ءجانادىلوۆ.
كوكشەتاۋلىق ازامات پىكىرىن ورتاعا سالا وتىرىپ، جەردى جالعا بەرۋگە، ونىڭ ىشىندە شەتەلدىكتەرگە جالعا بەرۋگە ۇزىلدى-كەسىلدى قارسى ەكەنىن جەتكىزدى. سونىمەن قاتار اۋىل شارۋاشىلىعىمەن اينالىسىپ جۇرگەن ۇساق شارۋالاردى بىرىكتىرىپ، ۇلكەن ۇيىم قۇرۋ ارقىلى ولارعا كومەك كورسەتۋ كەرەكتىگىن العا تارتتى.
«مەنىڭ ويىمشا، سىرتتان كەلگەن كىسى قازاقستاندى كوتەرتەمىن، كوركەيتەمىن دەپ كەلمەيدى. ول ءوز پايداسىمەن كەلەتىنىن ءبىز ءبارىمىز دە بىلەمىز. ەلدە ەڭ نەگىزگى ينۆەستور – ۇكىمەت. ۇكىمەت قارجى ءبولدى. بىرنەشە جىلدان بەرى بىزدە جوسپارلار بار. اۋىلدى كوركەيتەمىز دەپ قىرۋار اقشا ءبولىندى. سول اقشالار قايدا كەتتى؟ سول اقشالار نەگە اۋىلعا جەتپەدى.؟ نەگە اۋىل بىزدە قۇرىپ جاتىر؟ نەگە اۋىلدان جاستار كەتىپ جاتىر؟ سول ملرد اقاشالار ءوزىنىڭ ءتيىستى جەرىنە باراتىن بولسا، سول اۋىلدارعا جەتەتىن بولسا، اۋىل مۇنداي جاعدايعا كەلمەس ەدى. سوندىقتان بىزدە وسىنى تىكەلەي ناقتىلايتىن قوعامدا وكىمەت بولۋ كەرەك»، - دەدى بولات ءجانادىلوۆ.
كەلەسى كەزەكتە اقمولا وبلىسىنىڭ تۇرعىنى جەردىڭ كارتاسىن جاساۋ ماسەلەسىنە توقتالدى.
«قانشا جەر شابىندى، جايىلىمدى، ەگىن سالاتىن جەر... سولاردىڭ يەلەرى كىم؟ نەگە ءبىز ول جەرلەردى قۇنارلى ەمەس، قۇنارسىز دەپ ايتامىز. ونىڭ يەلەرى نە ءبىتىردى؟ ول بۇگىن عانا الىپ وتىر ما پايداسىن؟ بولاشاقتى نەگە ويلامايدى. ەگەر ولار جۇمىس ىستەمەسە، ول جەردى الىپ قويۋ كەرەك. ول بۇگىنگى كۇنىن عانا ويلاپ وتىر. ال ءبىز جەر ماسەلەسى جونىندە بولاشاقتى ويلاۋىمىز كەرەك، ەلىمىزدى ويلاۋىمىز كەرەك، حالقىمىزدى ويلاۋىمىز كەرەك»، - دەپ قورىتتى ءوز ويىن بولات ءجانادىلوۆ.
