الماتى قالاسى «العاباستاعى» ىقشام اۋدانىنداعى اپاتتى ءۇي سۇرىلەتىن بولدى، - دەپ حابارلايدى Qamshy.kz Tengrinews.kz  - كە سىلتەمە جاساپ.

بۇل تۋرالى بۇگىن الماتى اكىمىنىڭ ورىنباسارى سۇلتانبەك ماكەجانوۆ حابارلاعان.

«قۇرىلىس كەزىندە قۇرىلىس جاعدايىنىڭ ەرەجەسى بۇزىلعان، توپىراعىن نىعايتۋ جۇمىستارى قاراستىرىلماعان، وسىعان بايلانىستى عيمارات قيسايدى جانە توپىراق وتىرىپ قالدى. كوميسسيا قۇرىلىس جاعدايىندا ەرەجە بۇزىلعاندىقتان مەردىگەر كومپانيا باسپانانى قايتا قالپىنا كەلتىرۋى كەرەك نەمەسە باسقا جەردەن باسپانا بەرۋى ءتيىس دەگەن شەشىم شىعاردى»، - دەدى ماكەجانوۆ.

ەستەرىڭىزگە سالساق، الماتىدا جاڭادان سالىنعان ءۇيدىڭ تۇرعىندارى تۇندە ەۆاكۋاسيالانعان بولاتىن. توتەنشە جاعداي الاتاۋ اۋدانىنداعى العاباس ىقشاماۋدانىندا (مومىش ۇلى جانە اقىن سارا كوشەلەرىنىڭ قيىلىسى) بولدى. تۇرعىنداردىڭ ايتۋىنشا، تولاستاپ جاۋعان جاڭبىردان ءۇيدىڭ جەرتولەسىنە سۋ تولىپ قالعان. ق ر ءىىم تجك مالىمەتىنشە، ءۇي استىنداعى جەر وتىرىپ قالعان جانە سودان ءۇي قيسايعان. بۇل ۇيدە شامامەن 200 ادام تۇرادى. ءتۇنى بويى وقيعا ورنىندا قالالىق جەدەل قىزمەت وكىلدەرى كەزەكشىلىك ەتتى.