ۇقك ماڭعىستاۋ وبلىستىق دەپارتامەنتىنىڭ ءۇش بىردەي قىزمەتكەرى ادام ۇرلاپ، اقشا بوپسالاعانى ءۇشىن باس بوستاندىعىنان ايرىلدى، - دەپ حابارلايدى Qamshy.kz.

چەكيستەر اقتاۋلىق ازاماتتى ەلەكتروشوكەر مەن كىسەن پايدالانا وتىرىپ ۇرلاپ، جاسىرىن پاتەرلەردىڭ بىرىندە قاماپ ۇستاعان. ۇرلانعان ازاماتقا ەسىرتكى ساۋدالادى دەگەن كۇدىككە ىلىنگەنى تەرگەۋ بارىسىندا بەلگىلى بولىپ وتىر. ۇقك قىزمەتكەرلەرى قىلمىستىق جاۋاپكەرشىلىكتەن بوساتامىز دەپ، 3 ميلليون تەڭگە تالاپ ەتكەن.

ۇقك-نىڭ اتالعان بۇرىنعى قىزمەتكەرلەرى اقتاۋ قالالىق سوتىنىڭ ۇكىمىمەن لاۋازىمدىق مىندەتتەرىن اسىرا پايدالانۋ (ق ر قك-نىڭ 362-بابى، 4ء-بولىمى، 1-تارماعى)، ادام ۇرلاۋ (ق ر قك-نىڭ 125-بابى، 2ء-بولىمى، 1،3،8-تارماقتارى) جانە بوپسالاۋ (ق ر قك-نىڭ 194-بابى، 3ء-بولىمى، 2-تارماعى) ارەكەتتەرى بويىنشا كىنالى دەپ تانىلىپ، ەكەۋى مۇلكىن تاركىلەي وتىرىپ، 7 جىلعا بىرەۋى 5 جىلعا باس بوستاندىعىنان ايرىلدى.