ۇكىمەت جانىنداعى جەر رەفورماسى جونىندەگى كوميسسيا مۇشەلەرى ەرتەڭ الماتى تۇرعىندارىمەن كەزدەسەدى، - دەپ حابارلايدى Qamshy.kz.

كوميسسيا مۇشەلەرى مۇحتار تايجان، ايدوس سارىم، دوس كوشىم مەن جانۇزاق اكىم ەرتەڭ الماتىداعى «استانا» قوناق ۇيىندە قالا تۇرعىندارىمەن كەزدەسىپ، كوميسسيا جۇمىسى جايىندا ەسەپ بەرمەك.

«ءبىز ءۇشىن ءار ازاماتتىڭ پىكىرى قۇندى. ەشبىر سۇراق جاۋاپسىز قالماۋى ءتيىس دەپ سانايمىز. كوميسسيا جۇمىسىنا، جەر ماسەلەسى توڭىرەگىندەگى جاعدايعا الاڭداپ جۇرگەن اعايىنمەن كەزدەسىپ، پىكىرلەسۋدى ءجون كوردىك»، - دەيدى كوميسسيا مۇشەسى، ساياساتكەر مۇحتار تايجان.

ەستەرىڭىزگە سالساق، وسىنداي كەزدەسۋدى بۇعان دەيىن مۇحتار تايجان 22 مامىر كۇنى الماتىدا وتكىزگەن بولاتىن.

كوميسسيا مۇشەلەرىمەن كەزدەسۋ جەكسەنبى كۇنى (5ماۋسىم، باستالۋى ساعات 18.00-دە) الماتى قالاسىنداعى «استانا» قوناق ۇيىندە (مەكەن-جايى: بايتۇرسىن ۇلى كوشەسى 113، ساتبايەۆ داڭعىلىنان تومەن) وتەدى.