ەلىمىزدىڭ اقپارات جانە كوممۋنيكاسيا ءمينيسترى داۋرەن ابايەۆ كەشەگى اقتوبە قالاسىندا بولعان جاعدايعا بايلانىستى پىكىر ءبىلدىردى، - دەپ حابارلايدى Qamshy.kz.
«كەشە بارلىعىمىز ءۇشىن اۋىر كۇن بولدى... لاڭكەستەر قولىنان قازا تاپقانداردىڭ تۋىستارى مەن جاقىندارىنا كوڭىل ايتامىن، ال، جاراقات العانداردىڭ تەز ساۋىعۋىن تىلەيمىن»، - دەگەن ول پوليسيا مەن اسكەريلەردىڭ ەكسترەميستەردىڭ سوققىسىن ءبىزدىڭ قاۋىپسىزدىگىمىزدى كۇزەتۋ جولىندا ءبىرىنشى بولىپ قابىلداعانىنا توقتالعان.
سونداي-اق، مينيستر ءىىم-نىڭ باسپا ءسوز قىزمەتى جەدەل دە ساپالى جۇمىس ىستەدى دەپ وتىر.
«ءىىم باسپا ءسوز قىزمەتى جەدەل جۇمىس ىستەپ، رەسمي مالىمدەمەلەردى كەلىپ تۇسكەن اقپارات وڭدەلىپ، تەكسەرىلگەن سوڭ بىردەن جاريالاپ وتىردى. ارينە، ول ءۇشىن ءبىرشاما ۋاقىت كەتتى. ءبىراق، اقپاراتتىق ۆاككۋم تۋىنداعان جوق. قۇقىققورعاۋ ورگاندارىنىڭ انىق پوزيسياسى دا ەل ىشىندەگى ۇرەي مەن جالعان اقپاراتتىڭ تاراۋىنا جول بەرمەدى»، - دەيدى مينيستر.
سونىمەن قاتار، داۋرەن ابايەۆ وسى وقيعا تۋرالى اقپارات تاراتقان باسپا ءسوز وكىلدەرىنە دە ريزاشىلىعىن ءبىلدىردى.
«..ءبىزدىڭ جۋرناليستەرگە دە كاسىبيلىگى مەن جاۋاپتىلىعى ءۇشىن العىس بىلدىرەمىن. ماتەريالدار رەسمي اقپاراتتارعا نەگىزدەلدى، جالعان مالىمەتتەرگە جەدەل تۇردە تەرىستەۋ بەرىلىپ جاتتى. ءبىز مەملەكەتتىك ورگانداردىڭ جۇىمىسىنداعى اشىقتىقتى ارتتىرۋ بويىنشا جۇمىستى بۇدان ءارى دە جالعاستىراتىن بولامىز»، - دەيدى ول.
