ق ر پرەمەر-مينيسترى كارىم ءماسىموۆ مەملەكەت باسشىسىنىڭ اقتوبەدەگى جاعدايدى جەكە باقىلاۋىندا ۇستاپ وتىرعانىن ايتتى، - دەپ حابارلايدى Qamshy.kz Tengrinews.kz – كە سىلتەمە جاساپ. 

"مەملەكەت باسشىسى بۇل ماسەلەنى باقىلاۋىندا ۇستاپ وتىر. الەۋەتتى ورگاندار بارلىق وپەراسيالاردى سوڭىنا دەيىن جۇرگىزۋى ءتيىس، اكىمدىكتەر مەن بارلىق مەملەكەتتىك ورگان ءتيىستى شارالاردى قابىلداۋى قاجەت. ارى قاراي شەشىم شىعارامىز. ءبىز كەشەندى شارالار قابىلداۋىمىز كەرەك. مەن بۇل ماسەلەنى مەملەكەت باسشىسىنىڭ تاپسىرماسىمەن جەكە باقىلاۋىمدا ۇستايمىن"، - دەدى پرەمەر-مينيستر.

ەسكە سالساق، كەشە اقتوبەنىڭ ءۇش اۋدانىندا اتىس بولعان ەدى. ق ر ءىىم وكىلدەرى بەلگىسىزدەردىڭ "پاللادا" قارۋ-جاراق دۇكەنىنە شابۋىل جاساعانى جايلى حابار كەلىپ تۇسكەنىن حابارلادى. سونىمەن قاتار، تاعى ءبىر قارۋ-جاراق دۇكەنىنە جانە اسكەري بولىمگە شابۋىل جاسالعانى بەلگىلى بولدى. وسىدان كەيىن قالادا تەررورلىق ءقاۋىپتىڭ قىزىل دەڭگەيى بەلگىلەندى. ايتا كەتەيىك، ءقاۋىپتىڭ شەكتى، ياعني قىزىق دەڭگەيى جاسالعان تەرروريزم اكتىسى تۋرالى اقپارات، سونداي-اق تەرروريزم اكتىسىن (اكتىلەرىن) قايتالاپ جاساۋ نەمەسە تەرروريستىك تۇرعىدان وسال وبەكتىلەرگە ءبىر مەزگىلدە تەرروريستىك شابۋىلدار جاساۋ مۇمكىندىگى تۋرالى راستالعان اقپارات بولعان كەزدە بەلگىلەنۋى مۇمكىن.