اقتوبەدە 5 ماۋسىمدا جاسالعان شابۋىلداردى "قازاقستاندى ازات ەتۋ ارمياسى" دەپ اتالاتىن توپ موينىنا الدى، - دەپ حابارلايدى Qamshy.kz ازاتتىققا سىلتەمە جاساپ.

توپ اتىنان جاسالعان ۇندەۋدە شابۋىل «نازاربايەۆ ديكتاتۋراسىنا» قارسى «قازاقستاننىڭ دەموكراتيالىق دامۋ جولىن جاقتاۋشىلاردىڭ العاشقى ۇرىسى» بولعانى ايتىلادى.

اقتوبەدە 5 ماۋسىمدا ءبىر توپ قارۋلى ادام ەكى قارۋ-جاراق دۇكەنى مەن اسكەري بولىمگە شابۋىل جاساپ، پوليسيامەن جانە اسكەريلەرمەن اتىسقان. ىشكى ىستەر مينيسترلىگى شابۋىلدى «ءدىني راديكالدار توبى» جاساعانىن مالىمدەگەن بولاتىن. مينيسترلىك مالىمەتىنشە، اتىس پەن ارنايى وپەراسيالار بارىسىندا بارلىعى 18 ادام، ونىڭ ىشىندە 12 "قىلمىسكەر" قازا تاپقان.

بۇگىن دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا 5 ماۋسىمدا اقوبەدەگى اتىستاردان 38 ادام جارالانعانىن مالىمدەگەن.

سونداي-اق، بۇگىن قازاقستاننىڭ بارلىق وبلىسىندا جانە استانا، الماتى قالالارىندا تەررورلىق قاۋىپ-قاتەردىڭ «قالىپتى سارى دەڭگەيى» ەنگىزىلدى. ول تۋرالى تۇرعىندارعا سمس-حابارلاما تاراۋدا.