تاۋەكەلدەردى باعالاۋ توبىنىڭ ديرەكتورى دوسىم ساتبايەۆ اقتوبەدەگى جاعداي مەن توڭكەرىس تۋرالى دەرەكتەردى «اقپاراتتىق بوتقاعا» تەڭەدى، - دەپ حابارلايدى Qamshy.kz theopenasia.net– كە سىلتەمە جاساپ.

ساياساتتانۋشى ءقازىر ەلدە ءتۇرلى ءدىني اعىمدارلدىڭ راديكالدانۋى ورىن الىپ وتىرعانى، ال، ءتيىستى ورگاندار ولارمەن كۇرەستە ستراتەگيالىق تەتىكتەرگە يە بولا الماي قالعانىن ايتادى. ونىڭ ويىنشا، اقتوبەدەگى جاعداي – ادامداردى ساياسي ماقساتتارعا پايدالانۋ.

ال، «مەملەكەتتىك توڭكەرىس» جاساماق بولدى دەپ ايىپتالىپ وتىرعان توقتار تولەشوۆ تۋرالى مالىمەت تاراتۋدى دا ساياساتتانۋشى تۇسىنبەۋشىلىككە تولى دەپ وتىر. «مۇنداي اقپاراتتار بيلىكتىڭ وزىنە كەرى اسەر ەتەدى. بۇرىن قايدا قاراعان دەگەن سۇراق تۋادى. وسىعان دەيىن ەل اۋماعىنداعى ميتينگتەردى باتىسپەن، اقش-پەن بايلانىستىرۋ سيپات الدى. ەندى مىنا ايىپ تاعىلىپ وتىرعان ت. تولەشوۆ رەسەيلىك ۇيىمدارمەن بايلانىسى جاقسى بولعانىن بىلەمىز. ال، بۇل ايىپتاۋلار اقش-قا ەمەس، تاياقتىڭ ءبىر ۇشىن رەسەيگە، رەسەيلىك ارنايى ورگاندارعا بۇرىپ جىبەرمەي مە؟»، - دەيدى د. ساتبايەۆ.

ساراپشى قۇقىققورعاۋ ورگاندارى 20 جىل بويى نازار اۋدارماي كەلگەن قاتەلىكتەردى تۇزەۋگە كىرىسكەنىن ايتادى. ءبىراق، ءتيىمدى الدىن الۋ جۇمىستارىنا ءۇمىت ارتۋعا بولمايتىن كورىنەدى.

«بىزدە كاسىبي تەولوگوتار از، بىزدە راديكالدى ۇيىمداردىڭ قاتارىنا ەنگەن كۇشتىك قۇرىلىمداردىڭ وكىلدەرى از، مۇسىلماندار ءدىني باسقارماسى ناشار جۇمىس ىستەپ وتىر. بۇرىن يمامنداردىڭ تەك 30 پايىششى عانا ءدىني بىلىمگە يە دەپ ايتىلاتىن. وسىدان كەيىن ءبىز يدەولوگيالىق سوعىستا جەڭىلىپ جاتقانىمىزعا تاڭ قالادى»، - دەيدى د. ساتبايەۆ.