«نۇر وتان» پارتياسى ءتوراعاسىنىڭ ءبىرىنشى ورىنباسارى مۇحتار قۇل-مۇحاممەد پەن اقتوبە وبلىسىنىڭ اكىمى بەردىبەك ساپاربايەۆ لاڭكەستەر قولىنان قازا تاپقان اقتوبەلىك ازاماتتاردىڭ وتباسىلارىنا باردى، - دەپ حابارلايدى Qamshy.kz پارتيا سايتىنا سىلتەمە جاساپ.
اتاپ ايتقاندا، ولار 2016 جىلعى 5 ماۋسىمدا قازا تاپقان نيكولاي الەكساندروۆيچ ونيششەنكو مەن ميحايل ۆيتاليەۆيچ ماتروسوۆتىڭ ۇيىندە بولدى.
مۇحتار قۇل-مۇحاممەد پەن بەردىبەك ساپاربايەۆ قازا تاپقانداردىڭ تۋعان-تۋىستارى مەن جاقىندارىنا ەلباسىنىڭ اتىنان كوڭىل ايتىپ، بارشا قازاقستان حالقىنىڭ ولاردىڭ قايعىلارىنا ورتاق ەكەندىگىن جەتكىزدى.
«نۇر وتان» پارتياسى ءتوراعاسىنىڭ ءبىرىنشى ورىنباسارى مەن وبلىس اكىمى اقتوبە قالاسىندا بولعان جانتۇرشىگەرلىك لاڭكەستىك وقيعاعا قاتىسى بار قىلمىسكەرلەر زاڭمەن قاتال جازالاناتىنىن، قازا تاپقانداردىڭ وتباسىلارىنا قولداۋ مەن كومەك كورسەتىلەتىنىن ايتتى.
«پرەزيدەنت ەشكىمدى مەملەكەت نازارىنان تىس قالدىرماۋدى اتاپ تاپسىردى»، - دەدى مۇحتار قۇل-مۇحاممەد.
