اقتوبە قالاسىنداعى ۇلتتىق ۇلاننىڭ 6655 اسكەري بولىمىندە بولعان اتىستا قازا تاپقان ساردار دانيەل مايلىبايەۆ بۇگىن جەر قوينىنا تاپسىرىلدى. مارقۇمنىڭ دەنەسى تۋعان جەرى الماتى وبلىسىنىڭ تالعار اۋدانىنا اكەلىندى، - دەپ حابارلايدى Qamshy.kz.

جەرلەۋ راسىمىنە الماتى وبلىسىنىڭ اكىمى، وبلىستىق ءماسليحات حاتشىسى، «نۇر وتان» پارتياسىنىڭ وكىلدەرى مەن اسكەريلەر، مارقۇمنىڭ تۋىستارى قاتىستى.

تالعار اۋدانى باسشىلارىنىڭ ايتۋىنشا، وبلىستىق بيۋدجەتتەن مارقۇمنىڭ وتباسىنا 5 ميلليون تەڭگە ماتەريالدىق كومەك پەن تالعار قالاسىنان كۇزگە تامان پاتەر بەرىلەدى.

الماتىداعى ۇقك اسكەري ينستيتۋتىنىڭ تۇلەگى د. مايلىبايەۆ قىزمەتكە ارالاسقانىنا بيىل 20 جىل تولعان. استانا، پەتروپاۆل، الماتى، اقتوبە قالالارىندا قىزمەت ەتكەن. مارقۇمنىڭ اناسى گۇلىستان الانبەرگەنوۆانىڭ ايتۋىنشا، ول اقتوبەگە الماتىدان ەكى جىل بۇرىن اۋىسىپ بارعان كورىنەدى. قايعىلى وقيعادان بۇرىن مارقۇم جاقىن كۇندەرى قايتادان الماتى قالاسىنا قىزمەت اۋىستىراتىنىن ايتىپ جۇرگەن كورىنەدى.

مارقۇمنىڭ ارتىندا جۇبايى مەن ءتورت بالاسى قالدى. بالالارىنىڭ ەڭ كىشىسى 8 ايلىق، ۇلكەن قىزى 13 جاستا ەكەن.