بۇگىن قىزىلوردا قالاسىندا جەكە تۇرعىن ءۇي قۇرىلىسى  ءۇشىن 6 600 ازاماتقا جەر تەلىمى بەرىلدى، - دەپ حابارلايدى Qamshy.kz.

2013 جىلى قىزىلوردا-جەزقازعان تەمىرجولى تاس جولىنىڭ بويىنان جاڭا شاعىن اۋدانعا 980 گەكتار جەر بولىنگەن بولاتىن. ال بيىل وسى جوباعا 9،9 ملرد تەڭگە ءبولۋ تۋرالى شەشىم قابىلدانعان. قىسقا دەيىن بۇل قارجىعا 75 شاقىرىم جول توسەلىپ، 353،1 شاقىرىم سۋ قۇبىرى، 112 شاقىرىم گاز قۇبىرى مەن 152 شاقىرىم ەلەكتر جەلىسى تارتىلماق جانە پودستانسيا سالىنادى. 

ايتا كەتەيىك، قىزىلوردا قالاسىندا 2004 جىلدان بەرى ەشقانداي جەر تەلىمى بەرىلمەگەن. ويتكەنى ق ر جەر كودەكسىنە سايكەس (44-باپ، 5-3 تارماق) جەكە تۇرعىن ءۇي قۇرىلىسىن سالۋ ءۇشىن جەر ۋچاسكەلەرىن بەرۋ سۋ جانە ەلەكتر جەلىلەرمەن قامتاماسىز ەتىلگەن الاڭدار دايىن بولعان جاعدايدا تابىستالاتىندىعى اتاپ كورسەتىلگەن. سوندىقتان پايدالانۋعا بەرىلىپ جاتقان جەر تەلىمدەرى زاڭ تالاپتارىنا ساي قاجەتتى ينفراقۇرىلىممەن جابدىقتاۋ جۇمىستارى جۇرگىزىلدى.

«بايتەرەك» دەپ اتالاتىن جاڭا مولتەك اۋداندا 36 مىڭعا جۋىق حالىق تۇراتىن بولادى. بۇل جەردە 1 دياگنوستيكالىق ورتالىق، 260 توسەكتىك 1 اۋرۋحانا مەن اۋىسسىمان 100 كەلۋشىگە ارنالعان بالالار جانە ايەلدەرگە كەڭەس بەرۋەمحاناسى، اۋىسىمىنا 200 ادام قابىلداي الاتىن 1 ەمحانا، 280 ورىندىق 4 بالاباقشا جانە 900 ورىندىق 5 مەكتەپ بوي كوتەرەدى. سونداي-اق جاڭا مولتەك اۋداندا ستاديون، مەشىت پەن مادەنيەت ءۇيى، دەمالىس ساياباق قۇرىلىسىن جۇرگىزۋ جوسپارلانعان.

شاراعا وبلىس اكىمى قىرىمبەك كوشەربايەۆ قاتىسىپ، جەر يەلەرىن قۋانىشتارىمەن قۇتتىقتادى.

ەل تاۋەلسىزدىگىنىڭ 25 جىلدىعى مەن استانا كۇنىنە وراي ويلاستىرىلعان مەرەكەلىك شاراعا وسى جاڭا قونىسقا 25 كيىز ءۇي تىگىلدى. قازاق كۇرەسى، قول كۇرەس، ارقان تارتۋ سياقتى ۇلتتىق سپورت تۇرلەرىنەن جارىستار ءوتتى. 

ايتا كەتەيىك، قىزىلوردادا جالپى 49 مىڭنان استام تۇرعىن كەزەكتە تۇرعان.