«حابار» ارناسىنىڭ دامۋىنا ۇلەس قوسىپ كەلە جاتقان رينات دۋمان ۇلى كەرتايەۆ ارنا ديرەكتورى بولىپ تاعايىندالدى، - دەپ حابارلايدى Qamshy.kz اگەنتتىكتىڭ باسپا ءسوز قىزمەتىنە سىلتەمە جاساپ.
بۇگىن «حابار» اگەنتتىگى» اق ۇجىمىنا ونى اگەنتتىكتىڭ باسقارما ءتورايىمى الماگۇل اۋعالي قىزى احمەتجانوۆا تانىستىردى. ق ر ينۆەستيسيالار جانە دامۋ مينيسترلىگىنىڭ «اقپارات سالاسىنىڭ ۇزدىگى» توسبەلگىسىنىڭ، «دارىن» مەملەكەتتىك سىيلىعىنىڭ، ءتمد-نىڭ پارلامەنتارالىق اسسامبلەياسى كەڭەسى توسبەلگىسىنىڭ، سونداي-اق ق ر پرەزيدەنتىنىڭ گرانتى سىيلىقتارىنىڭ يەگەرى رينات دۋمان ۇلى كەرتايەۆ 1983 جىلدىڭ 23 ساۋىرىندە جامبىل وبلىسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىندە «قوعاممەن بايلانىس» ماماندىعى بويىنشا جوعارى ءبىلىم العان. ەڭبەك جولىن 2006 جىلى «حابار» ارناسىندا قازاق تىلىندەگى ويىن-ساۋىقتىق باعدارلامالاردىڭ پروديۋسەرى رەتىندە باستادى. 2010-2011 جىلدارى جاڭالىقتار بولىمىندە رەداكتور-تالداماشى قىزمەتىن اتقاردى. 2011 جىلى «حابار» ارناسى باعدارلامالار ديرەكسياسىنىڭ باس پروديۋسەرى لاۋازىمىنا تاعايىندالدى.
