اقمولا وبلىسىندا پوليسەيلەر ءوزىن ۇرلادى دەپ جالعان حابار بەرگەن جىگىتكە قاتىستى قىلمىستىق ءىس قوزعادى. ۇستالعان جىگىت مۇنى جۇمىسقا بارماۋ ءۇشىن ايتقان ەكەن، - دەپ حابارلايدى Qamshy.kz وڭىرلىك ءىىد باسپا ءسوز قىزمەتىنە سىلتەمە جاساپ.

«2 شىلدەدە كوكشەتاۋ ق. كەزەكشىلىك بولىمىنە 45 جاستاعى جەرگىلىكتى تۇرعىن كەلىپ، ءتارتىپ ساقشىلارعا ونىڭ ۇيالى تەلەفونىنا بالاسى قوڭىراۋ شالىپ، بەلگىسىز بىرەۋلەر ءۇي اۋلاسىنان ۇرلاپ اكەتىپ، بەلگىسىز جەردە ۇستاپ وتىرعانىن ايتقانىن جەتكىزدى»،- دەلىنگەن حابارلامادا.

ىزدەۋ شارالارىنا پوليسيانىڭ كەشەندى كۇشى جۇمىلدىرىلدى. ءبىراز جۇمىس اتقارعان سوڭ «ۇرلانعاننىڭ» قايدا بولعانى انىقتالدى.

پوليسەيلەر انىقتاعانداي، ونى ەشكىم ۇرلاماعان. دوستارىمەن ىشىمدىك ىشكەن جىگىت جۇمىسقا بارماس ءۇشىن اناسىنا ونى ۇرلادى دەپ وتىرىك ايتقان. الايدا بۇل ويىنىنىڭ سوڭى نە بولارىن بىلمەگەن. ەندى وعان قاتىستى ق ر قك  419 بابى 3 ءبولىمى بويىنشا قىلمىستىق ءىس قوزعالدى. ول ۋاقىتشا ۇستاۋ وقشاۋلاعىشىنا قامالدى.