بۇگىنگى تاڭدا «روست» ج ش سء-ى سەگىز، «VoSca» ج ش سء-ى ءتورت اۆتوبۋس ساتىپ الدى. ولار جاقىن كۇندەرى قالا بويىنشا قوزعالىسقا شىعادى. ايماق باسشىسى دانيال احمەتوۆ اۆتوبۋستەردى قاراپ شىعىپ، باستالعان جۇمىسقا ون باعاسىن بەردى، - دەپ حابارلايدى Qamshy.kz.

وسكەمەن قالاسىنداعى اۆتوبۋس پاركتەرىنىڭ اكىمشىلىكتەرىمەن اۆتوبۋستەردى جاڭارتۋ ماقساتىندا جالپى سانى 12 كولىك ساتىپ الىندى. «روست» ج ش س سەمەي قالاسىندا شىعارىلاتىن «Daewoo» ماركالى جالپى سىيىمدىلىعى 60 ورىندىق سەگىز اۆتوبۋس ساتىپ الدى. بۇل وتاندىق اۆتوبۋستار №44 قالالىق باعىتتا قىزمەت كورسەتپەك. بارلىعى 2018 جىلعا دەيىن وبلىس ورتالىعىنىڭ جولاۋشى تاسىمالى كومپانيالارى تاعى 100 اۆتوبۋس ساتىپ الۋدى جوسپارلاپ وتىر.

ايتا كەتسەك، اۆتوبۋس پاركتەرىنىڭ جىلجىمالى قۇرامىن جاڭارتۋ وسكەمەن، سەمەي قالالارىنىڭ جولاۋشى تاسىمالى كومپانيالارمەن جاساعان مەموراندۋمدارىنىڭ نەگىزىندە جۇزەگە اسىرىلىپ كەلەدى.

كەلگەن كەلىسىم نەگىزىندە وسكەمەن قالاسىنىڭ 10 كاسىپورنى مەن سەمەي قالاسىنىڭ 4 كاسىپورنى الداعى ەكى-ۇش جىلدا جىلجىمالى قۇرامدى جاڭارتپاق. جەرگىلىكتى اتقارۋشى ورگاندارمەن جاسالعان مەموراندۋم اياسىندا 7 جىلعا دەيىن قولدانىستا بولعان اۆتوبۋستاردىڭ 50 پايىزى جاڭارتىلۋ قاجەت. وسىنداي مولشەردە 7 جىلدان 12 جىلعا دەيىن قولدانىستا بولعان اۆتوبۋستار دە جاڭارتىلادى. ال قولدانىستاعى ۋاقىتى 12 جىلدان اسقان اۆتوبۋستار قالا ىشىندە جولاۋشى تاسىمالداۋعا شىعارىلمايتىن بولادى.