مەن ءوزىم ويلاۋشى ەدىم وسى ەلدى جەپ جات ەلگە قاشقاندار بۇل ەلدى سورلاتتى دەپ. كوپ بايلىقتى تاسىپ، ەلدى جاسىتتى دەپ. ايتكەنمەن وي تۇبىنە وي تاستاسام مۇنىڭ دا ءبىر اللادان قايىرى بار ەكەن. اقىرى ولار ءتاۋباعا كەلمەيدى ەكەن، ەلگە قايتا كوشۋگە كونبەيدى ەكەن، بايقاساق ولار وسى ەلدىڭ بۇل دۇنيەسىنەن قاراعاندا ەڭ قيىن كەزەڭ عاراساتتاعى حالقىنىڭ ءحالىن ويلاعان «قاھارماندار» ەكەن.
باجايلاساق بۇلار ءاۋ باستا وسى ەلمەن كەلىسكەن ءتارىزدى. «ءبىز وسى ەلدىڭ بايلىعىن جەپ، جات جەرگە قاشامىز. سول جەردە ساقتاپ كۇن ەرتەڭ ماحشار مايدانىندا وزدەرىڭ حالدەرىڭ مۇشكىل بولىپ، قايدا باراتىنىڭدارىڭ بىلمەي ساسقان شاقتا ءبىز الدارىڭنان شىعىپ، سول بايلىقتى سەندەرگە قايتارامىز. ءبىراق، ول جاقتا بۇل بايلىقتى تاسۋ مۇمكىن بولماعاندىقتان سەندەر ءبىزدىڭ ساۋاپتارىمىزدى الاسىڭدار. البەتتە بىزدە ساۋاپ جوقتىعىنان سەندەر كۇنالارىڭدى ميللاردتاپ بىزگە اۋداراسىڭدار. سەندەردى توزاقتان قۇتقارۋدىڭ ءبىر امالى وسى» دەپ.
ءيا، ولار سودان بەرى حالىقتىڭ بايلىعىن قازىپ اكەتىپ، ەلىنەن، جەرىنەن بەزىپ، ەۋروپانى كەزبەدەي كەزىپ ءجۇر. ولار ويلايدى، ءبىز وسىلاي ەلدەن جەگەن دۇنيەگە قارىق بولىپ بۇل ومىردەن وتەمىز دەپ. الايدا ولار قازاق دەگەن حالىقتان بەزىپ، اللاعا قاراي قاشىپ بارا جاتقاندارىن قايدان ءبىلسىن! ءيا، سەندەر قاشا تۇرىڭدار، حالىق تا كۇتە تۇرسىن. قانشا داۋلەتتى بولساڭ دا، نەشە شالقىپ جۇرسەڭ دە كۇن ەرتەڭ اللانىڭ الدىندا قارا باقىرعا دەيىن ەسەپ بەرەسىڭ.
سەن ءۇشىن جاساسىن جاھاننام!
مۇحيتدين يسا ۇلىنىڭ فەيسبۋكتەگى پاراقشاسىنان الىندى
