بۇگىن جەر رەفورماسى ماسەلەلەرى جونىندەگى كوميسسيانىڭ كەزەكتى وتىرىسىندا  كوميسسيا مۇشەسى مۇحتار تايجان جەر كاداسترىندا جەرمەن اينالىساتىن ادامداردىڭ اتى-جوندەرى جاريا تۇردە بولۋى قاجەتتىگىن ايتتى، - دەپ حابارلايدى Qamshy.kz.

-ەڭ ءبىرىنشى -  كاداستر. بىزدە ءقازىر ەلەكتروندى كاداستر بار. ءبىراق، وندا جەر يەلەرىنىڭ اتى-جوندەرى كورسەتىلمەگەن. مەنىڭ ۇسىنىسىم، جەر حالىقتىكى بولعاننان كەيىن ونىمەن كىم اينالىساتىندىعى جايىنداعى اقپاراتتار اشىق بولۋى ءتيىس. ءقازىر بۇل مالىمەتتەر جابىق. سەبەبى، «جەكە مالىمەتتەر تۋرالى» زاڭ بار. سول زاڭدى وزگەرتەيىك»، - دەگەن مۇحتار تايجان كوميسسيا مۇشەلەرىنىڭ شەشىمدەرىندە ورتاق كەلىسىمگە كەلمەگەن ماسەلەلەردىڭ دە بار ەكەندىگىن ايتىپ ءوتتى.

-قازاقستانعا كەلگەن شەتەلدىك ازامات فيرما اشىپ، 49 پايىزىن ءوزى، 51 پايىزىن ەل ازاماتىنا بەرەدى دە جەرمەن اينالىسا الادى، - دەگەن م.تايجان مۇنداي قۇيتىرقىعا  جول بەرمەۋىمىزدىڭ قاجەت دەيدى.

-ەگەر جەردى شەتەلدىكتەرگە ساتپايمىز دەسەك، وندا زاڭعا وزگەرتۋلەر ەنگىزەيىك. بىزدە ءدال وسى ماسەلەگە بايلانىستى ورتاق شەشىم جوق، -دەگەن  م.تايجان شەتەلدىكتەرگە جەر ساتىلمايدى دەپ ايتىلعانىمەن  قۇيتىرقى جولداردىڭ دا قالىپ وتىرعاندىعىن باسا ايتتى.