«نۇر وتان» پارتياسىنىڭ ماجىلىستەگى فراكسياسىنىڭ مۇشەلەرى، پارلامەنت ءماجىلىسىنىڭ دەپۋتاتتارى  باقىتجان ەرتايەۆ، ەۆگەنيي كوزلوۆ ي نۋرتاي سابيليانوۆ  جۇمىس ساپارىمەن شىعىس قازاقستان وبلىسىندا بولدى، - دەپ حابارلايدى Qamshy.kz. 

باقىتجان ەرتايەۆ پەن ەۆگەنيي كوزلوۆ ەڭ الدىمەن «نۇر وتان» پارتياسىنىڭ وبلىستىق فيليالىندا ادىلەت سالاسىنىڭ جانە اۋعان سوعىسى جاۋىنگەرلەرى وكىلدەرىمەن كەزدەستى.  

باسقوسۋ بارىسىندا ەلباسى ن.ءا.نازاربايەۆتىڭ «قازاقستان جاڭا جاھاندىق ناقتى احۋالدا: ءوسىم، رەفورمالار، دامۋ» حالىقا جولداۋى، «100 ناقتى قادام» ۇلت جوسپارى، «ماڭگىلىك ەل» ۇلتتىق يدەياسى تاقىرىپتارىندا كەڭىنەن ءسوز قوزعالىپ، جۇزەگە اسۋ دەڭگەيىنە كوڭىل ءبولىندى.   

ءارى قاراي، ءماجىلىس دەپۋتاتى ەۆگەنيي كوزلوۆ سايلاۋشىلاردىڭ ۇيلەرىن ارالاپ، وسكەمەندىكتەرى الاڭداتىپ وتىرعان ماسەلەلەر جايلى، سونىمەن قاتار پارتيانىڭ سايلاۋالدى باعدارلاماسىنىڭ باستى اسپەكتىلەرى جايلى ءسوز قوزعادى.

باحىتجان ەرتايەۆ بولسا وسى كۇنى اياگوز اۋدانىنداعى جاڭادان سالىنىپ جاتقان شاعىن ەت كومبيناتىنىڭ جۇمىسىنمەن تانىسىپ، ءونىم وڭدەۋ مەن وتكىزۋدە قانداي ماسەلەلەر بارىنا نازار اۋداردى.

«نۇر وتان» پارتياسى فراكسياسىنىڭ مۇشەسى نۇرتاي سابيليانوۆ بولسا شىلدەنىڭ 5-7 كۇندەرى اياگوز اۋدانىنا قاراستى  مايلين، اقشاتاۋ، ءاقشاۋلى، بيدايىق، مىڭبۇلاق، وركەن جانە بىرنەشە اۋىلدا بولىپ 400 دەن استام اۋىل تۇرعىندارىمەن كەزدەسۋ وتكىزدى. مۇنداي كەزدەسۋ تەمىرجولشىلار قاۋىمىمەن دە جالعاستى. بارلىق باسقوسۋدا ۇلت جوسپارى «100 ناقتى قادام»  بويىنشا اتقارىلۋى ءتيىس باعىتتاردى اڭگىمەلەپ بەرىپ، سايلاۋشىلار تاراپىنان قويىلعان سۇراقتارعا جاۋاپ بەردى.   

اياگوز تۇرعىندارىمەن كەزدەسۋ كەزدەرىندە كوتەرىلگەن سۇراقتاردىڭ كەيىبىرىن اتاي كەتسەك. ولار: الەۋمەتتىك-ەكونوميكالىق ماسەلەلەردى شەشۋ بارىسىندا كەزدەسەتىن ءتۇرلى جاعدايلار، جاستاردى جۇمىسپەن قامتۋ، يگەرىلمەي جاتقان جەر تەلىمدەرىن قايتا قاراۋ، تەرى مەن بىلعارى وڭدەۋ، زەينەتاقىنىڭ تومەنگى دەڭگەيىن كوتەرۋ، مەملەكەت قارجىسىنا سالىنىپ جاتقان قۇرىلىستاردى قاتاڭ باقىلاۋ، اۋىز سۋ جانە وزگەلەر. وسى سۇراقتاردىڭ ىشىندە كوپشىلىكتىڭ كوكەيكەستى ماسەلەسى رەتىندە جولداردى كۇردەلى جوندەۋدەن وتكىزۋ بولىپ تابىلعانداي.