بيىل قوستاناي وبلىسىندا تەكسەرۋدەن وتكەن 280 مىڭ باس ءىرى قارا مالدىڭ 3212ء-سى برۋسەللەزگە شالدىققانى انىقتالدى. تەكسەرىلگەن 332 مىڭ ۇساق مالدىڭ 69-ى اۋىرادى، - دەپ حابارلايدى Qamshy.kz Alau.kz -كە سىلتەمە جاساپ.
مال دارىگەرلىگى باسقارماسىنىڭ باسشىسى بەرىكجان قايىپبايدىڭ ايتۋىنشا، اۋرۋدىڭ نەگىزگى سەبەبى ۆەتەريناريالىق-سانيتارلىق تالاپتاردىڭ ساقتالماۋىنان جانە ۆەدومستۆولىق ۆەتەريناريالىق قىزمەتتى ۇيىمداستىرۋدىڭ ناشارلىعىنان بولىپ وتىر.
جانگەلدين اۋدانىنداعى ءىرى قارا مالدىڭ برۋسەللەزبەن اۋىرۋ دەڭگەيى 2 جارىم ەسەگە، امانگەلدى اۋدانىنداعى جۇعۋ 6 ەسەگە ازايعان.
ءىقم شارۋاشىلىعى قۇرىلىمدارىندا برۋسەللەزگە قارسى ۆاكسينالاردى باقىلاۋسىز قولدانۋ - ءىرى قارا مال برۋسەللەزىنە قاتىستى جاعدايدىڭ ناشارلاۋ فاكتورلارىنىڭ ءبىرى بولىپ وتىر.
بولعان جاعدايعا بايلانىستى، وبلىس اكىمى ورىنباسارىنىڭ تاپسىرماسىمەن مال برۋسەللەزى كەڭ تاراعان اۋداندارعا ادىستەمەلىك جانە پراكتيكالىق كومەك كورسەتۋ ءۇشىن تاجىريبەلى ماماندار جىبەرىلدى.
