5 ماۋسىم كۇنگى اقتوبە وقيعاسىن ۇيىمداستىردى جانە سوعان قاتىسى بار دەگەن ايىپپەن تۇتقىندالعان سودىرلار ءومىر بويىنا باس بوستاندىعىنان ايىرىلۋى مۇمكىن، - دەپ حابارلايدى Qamshy.kz "اكتوبە تايمس" پورتالىنا سىلتەمە جاساپ.

بۇل تۋرالى اقتوبە وبلىستىق سوتىنىڭ باسپا ءسوز قىزمەتى اقپارات تاراتقان.

«تۇتقىندالعانداردىڭ جاسى – 16 مەن 29 جاس ارالىعى. قاماۋعا الۋ شەشىمى 8 جانە 14 ماۋسىمدا سانكسيالاندى. ولار ءومىر بويىنا باس بوستاندىعىنان ايىرىلۋى مۇمكىن»، - دەپ حابارلادى سوتتىڭ باسپا ءسوز قىزمەتى.

ەسكە سالا كەتسەك، 5 ماۋسىمدا اقتوبەدە 26 ادام ەكى قارۋ-جاراق دۇكەنىنە شابۋىلداپ، ۇلتتىق گۆارديانىڭ اسكەري ءبولىمىن باسىپ الۋعا تىرىسقان. شابۋىل مەن اتىستان رەسمي مالىمەت بويىنشا 7 ادام قازا تاۋىپ، 40 شاقتى ادام جارالانعان.

التى كۇنگە سوزىلعان ارنايى وپەراسيادا شابۋىلعا كۇدىكتى دەلىنگەن 18 ادامنىڭ كوزى جويىلىپ، بىرنەشە ادام ۇستالعان.

قازاقستان پرەزيدەنتى نۇرسۇلتان نازاربايەۆ شابۋىل جاساعانداردىڭ "راديكالدىق ءدىني توپ وكىلدەرى" بولعانىن جانە ولاردىڭ "شەتەلدەن نۇسقاۋ العانىن" مالىمدەگەن.