اقتوبەدەن تاعى دا تاستاندا بالا تابىلدى. 9 شىلدە كۇنى ءتۇس اۋا پوليسيا قىزمەتكەرلەرى دۇرلىكتى دەپ حابارلايدى، - Qamshy.kz Nur.kz -كە سىلتەمە جاساپ.

قالانىڭ ەسكى بولىگى قونايەۆ كوشەسىندەگى ايالدامادان جاڭا تۋىلعان ءسابي تابىلعان. وقيعا بولعان جەرگە جينالعان پوليسيا قىزمەتكەرلەرى قالادا ەشقانداي جاعدايدىڭ تىركەلمەگەندىگىن جانە بالا تۋرالى اقپارات تۋرالى ءبىرىنشى رەت ەستىپ تۇرعانىن ايتتى.

"ەشقانداي بالا تابىلعان جوق. ءبىز ءوزىمىز جۇمىس جاساپ ءجۇرمىز. ەشقانداي اقپارات بەرۋشى بولماڭدار"، - دەپ ولار جاعدايدى جۇمباق قالدىردى.

پوليسيا قىزمەتكەرى بۇل حاباردى جاسىرعانىمەن وقيعا كۋاگەرلەرى جايىپ سالدى.

وقيعا كۋاگەرلەرى بالانى تاۋىپ العان كەلىنشەكتىڭ ونىڭ اناسى بولۋى مۇمكىن ەكەندىگىن ايتادى.

"جۇمىستا وتىرعانىمدا ءبىر كەلىنشەك جاڭا تۋىلعان بالا تاۋىپ العانىن ايتىپ كومەك سۇرادى. ول تەلەفونىنىڭ جوقتىعىن ايتىپ، دارىگەرگە حابار بەرۋىمدى ءوتىندى. بالانى قولىنا ۇستاپ جۇرگەن سوڭ كەڭسەگە كىرگىزدىم. ءوزى بالا مەنىكى ەمەس، مەنىڭ ەكى بالام بار، جولداسىمنان اجىراسىپ كەتتىم دەپ ايتا بەردى. ەسى اۋىسقان ادامداي قوبالجىپ تۇردى. قوڭىراۋ شالعاننان كەيىن ءبىر مينۋتتىڭ ىشىندە ءبارى جەتىپ كەلدى. ايەلدى پوليسيا تۇسىنىكتەمە الۋعا، بالانى جەدەل جاردەم الىپ كەتتى. بالانىڭ ۇلتى - ورىس ەكەن"، - دەيدى وقيعا كۋاگەرى الەكسەي.

كەلىنشەك قۇنداقتاۋلى بالامەن جانگەلدى كوشەسىندە 80 ۇيدەگى قۇرىلىس كومپانياسىنا كەلىپ كومەك سۇراعان.

"جانكەلدى كوشەسىنەن جاڭا تۋىلعان بالانىڭ تابىلعانى تۋرالى حابار ءتۇستى. وقيعا ورنىنا بريگادا بارىپ، بالانى پەرزەنتحاناعا جەتكىزدىك. جاعدايى قالىپتى"، - دەيدى جەدەل جاردەم ستانساسى باس دارىگەردىڭ ورىنباسارى داستان پانايەۆا.

اقتوبەدە وسىعان دەيىن تابىلعان تاستاندى بالالاردىڭ انالارى تابىلماعان بولاتىن.