13 شىلدەدە قازاقستاننىڭ اۋماعىندا اتموسفەرالىق فرونتالدى بولىكتەردىڭ وتۋىنە بايلانىستى رەسپۋبليكامىزدىڭ باسىم بولىگىندە جاڭبىر جاۋادى، نايزاعاي بولادى، جەل كۇشەيۋى كۇتىلەدى. تەك سولتۇستىك-شىعىس، شىعىس، وڭتۇستىك جانە وڭتۇستىك-شىعىستا جاۋىن -شاشىنسىز اۋا رايى كۇتىلەدى ، - دەپ حابارلايدى Qamshy.kz  قازاقپاراتقا سىلتەمە جاساپ.

قاراعاندى، سولتۇستىك قازاقستان، قوستاناي، اقتوبە، قىزىلوردا، تۇندە اتىراۋ، كۇندىز جامبىل وبلىستارىنىڭ كەي جەرلەرىندە جەل 15-20 م/س-گە كۇشەيۋى كۇتىلەدى. ماڭعىستاۋ وبلىسىنىڭ كەي جەرلەرىندە تۇمان بولادى. وڭتۇستىك قازاقستان وبلىسىندا كۇندىز  جەل  15-20 م/س كۇشەيۋى كۇتىلەدى، شاڭدى داۋىل بولادى.

الماتى، جامبىل، وڭتۇستىك قازاقستان، قاراعاندى، كەي جەرلەرىندە باتىس قازاقستان، قوستاناي، شىعىس قازاقستان وبلىستارىندا قاتتى ىستىق كۇتىلەدى. الماتى، جامبىل، اتىراۋ،  قىزىلوردا، وڭتۇستىك قازاقستان، قاراعاندى  وبلىستارىنىڭ كەي جەرلەرىندە  وتە جوعارى ءورت ءقاۋىپى ساقتالادى.