فرانسيانىڭ نيسسا قالاسىنداعى تەراكتى كەزىندە قازاقستاننىڭ ءتورت ازاماتى وقيعا ورنىنا جاقىن ماڭدا ورنالاسقان قوناق ۇيدە بولعان، ولار زارداپ شەككەن جوق، - دەپ حابارلايدى Qamshy.kz ق ر سىرتقى ىستەر ءمينيسترىنىڭ باسپا ءسوز حاتشىسى ءانۋار جايناقوۆقا سىلتەمە جاساپ.

«نيسسادا بولعان تەراكتىگە بايلانىستى، فرانسيا حالقىنا كوڭىل ايتامىز. الدىن الا مالىمەت بويىنشا، قازا تاپقاندار مەن زارداپ شەككەندەر اراسىندا قازاقستاندىقتار جوق. دەگەنمەن، تەراكتى بولعان جەردە قازاقستاننىڭ ءتورت ازاماتى جۇرگەن. تۇندە ق ر سىرتقى ىستەر مينيسترلىگىنە قازاقستان ازاماتى حابارلاسىپ، نيسسا قالاسىنداعى «اعىلشىن جاعالاۋىنا» جاقىن جەردەگى قوناق ۇيدە وتىرعانىن جانە جانىندا تاعى ءۇش ادام بار ەكەنىن ءمالىم ەتتى. ولار ومىرلەرىنە ءقاۋىپ تونەدى دەپ قورىققان. تەرەزەدەن قازا تاپقانداردى، قاشقان ادامداردى كورگەن. بىزدەن كومەك سۇرادى. قازاقستاننىڭ ديپلوماتتارى شۇعىل تۇردە ولارعا حابارلاستى. ءقازىر ءتورت ازامات تا ءقاۋىپسىز جەردە. ەشقايسىسى زارداپ شەككەن جوق»،-دەدى ءا.جايناقوۆ.

ونىڭ ايتۋىنشا، نيسسادا جۇرگەن ءتورت ازامات ەرلى-زايىپتىلار وتباسى جانە ولاردىڭ ەكى تۋىسقانى. تورتەۋى دە بۇل ەلگە تۋريست رەتىندە بارعان. ءقازىر ولار وزدەرى توقتاعان قوناقۇيدە جاتىر.