تۇركياداعى مەملەكەتتىك توڭكەرىس ارەكەتىن ەل پرەزيدەنتى رەجەپ تاييپ ەردوعاننىڭ ءوزى قاساقانا جاساعان، - دەپ جازادى The Independent اعىلشىن باسىلىمى. بۇل تۋرaلى Qamshy.kz kaz.tengrinews.kz-كە سىلتەمە جاساپ حابارلايدى.

«كەيبىر شولۋشىلار بۇل توڭكەرىستىڭ ەردوعانعا ارمياداعى قارسىلاستارىن جويىپ، تۇركياداعى بيلىگىن كۇشەيتۋ ءۇشىن قاساقانا جاسالعان بولۋى مۇمكىن ەكەندىگىن ايتا باستادى»، - دەپ جازادى باسىلىم. 

ەۋروپالىق جۋرناليستەردىڭ ءبىرى شىققان بۇلىكتى بيلىكتىڭ ءوزى جاسادى دەگەن توقتامعا كەلەدى. «ءبىز مەرزىمىنەن بۇرىن بولاتىن سايلاۋعا كۋا بولاتىن شىعارمىز، بۇل سايلاۋلاردا تۇركيا پرەزيدەنتى داۋىستىڭ باسىم بولىگىن جيناپ الۋعا تىرىسادى. ءتىپتى كونستيتۋسيا وزگەرۋى مۇمكىن، ول جاقتان زايىرلىلىق جوعالىپ، يسلام موتيۆتەرى پايدا بولاتىن شىعار»، - دەپ جازادى «پوليتيكو» ءتىلشىسى رايان حيس.

بۇل پىكىردى ەردوعان بۇلىك شىعارۋعا پەنسيلۆانيادان بۇيرىق بەردى دەپ ايىپتاعان يسلام ۋاعىزشىسى فەتحۋللاح گۇلەن دە ايتىپ وتىر. ونىڭ پىكرىنشە، تۇركيادا مەملەكەتتىك توڭكەرىستى بيلىك باسىنداعىلار وزدەرى ويلاپ تاپقان.

ەسكە سالايىق، 2016 جىلدىڭ 15 شىلدەسىندە كەشكى ۋاقىتتا تۇركيادا مەملەكەتتىك توڭكەرىس جاساۋ ارەكەتى بولعانى انىقتالدى. ءتۇرلى مالىمەتتەر بويىنشا قازا بولعانداردىڭ سانى 160-تان 190-عا جەتكەن. ولاردىڭ ىشىندە 41 پوليسەي، 47 بەيبىت تۇرعىن، 2 سارباز جانە 104 بۇلىكشىنىڭ بار ەكەندىگى ايتىلادى. تاييپ ەردوعان بۇلىك شىعاردى دەپ اسكەريلەردى ايىپتاپ، ەل ازاماتتارىن كوشەلەر مەن الاڭدارعا شىعۋعا شاقىردى. تەرگەۋ اياسىندا 2،8 مىڭ ادام قاماۋعا الىندى. سونىمەن قاتار، بەس گەنەرال مەن 29 پولكوۆنيك قىزمەتتەن بوسادى.