اقتوبەدە جىل باسىنان بەرى 2 مىڭ ءمۇيىزدى ءىرى قارا مەن 800-دەن استام ۇساق مالدان برۋسەللەز انىقتالدى، - دەپ حابارلايدى Qamshy.kz Bnews.kz -كە سىلتەمە جاساپ.

سارىپ اۋرۋى انىقتالعان مالدىڭ بارلىعى ەت وڭدەۋ سەحتارىنا جىبەرىلىپ، اۋرۋ جۇقتىرعان 16 ادام ەمدەلدى. بۇل تۋرالى وبلىستىق تۇتىنۋشىلاردىڭ قۇقىقتارىن قورعاۋ دەپارتامەنتىنىڭ باسشىسى نۇرسۇلۋ بەركىمبايەۆا ايتتى.

-بيىل وبلىستا 16 ادام سارىپ اۋرۋىن جۇقتىردى. ۇشەۋىنىڭ جاسى 14-كە تولماعان. تەكسەرۋ كەزىندە 13 جاعدايدا ادامدارعا سارىپ اۋرۋى ءمۇيىزدى ءىرى قارا جانە ۇساق مالدان جۇققانى انىقتالىپ وتىر. ال وزگە ۇشەۋىنىڭ قالاي برۋسەللەز دەرتىنە شالدىققانى ءالى كۇنگە دەيىن بەلگىسىز،- دەيدى وبلىستىق تۇتىنۋشىلاردىڭ قۇقىقتارىن قورعاۋ دەپارتامەنتىنىڭ باسشىسى نۇرسۇلۋ بەركىمبايەۆا.

ايتا كەتەيىك، وسى جىلدىڭ العاشقى جارتى جىلدىعىندا وڭىردەگى 240 مىڭعا جۋىق ءمۇيىزدى ءىرى قارادان قان سىناماسى الىنىپ، ولاردىڭ 2 مىڭنان استامىنان برۋسەللەز دەرتى انىقتالدى. ال تەكسەرىلگەن ۇساق ءمۇيىزدى مالدىڭ 878ء-ى سارىپ اۋرۋىنا شالدىققان ەكەن. برۋسەللەز انىقتالعان مال ەتىنىڭ بارلىعى ەت وڭدەۋ سەحىنا تاپسىرىلدى.

«قازىرگى كەزدە ويىل، مارتوك، تەمىر مەن حرومتاۋ اۋداندارىنداعى كورسەتكىش وبلىستىق دەڭگەيدەن جوعارى. ال سارىپ اۋرۋى انىقتالعان مال يەلەرى سەرولوگيالىق ادىسپەن تەكسەرىلىپ، ولاردىڭ 200-ىندە وڭ ناتيجە بايقالدى. ادامداردىڭ بارلىعى مەديسينالىق باقىلاۋعا الىندى»،- دەيدى ن.بەركىمبايەۆا.