الماتى كوشەلەرىندە اتىس بولدى. زارداپ شەككەندەر بار، - دەپ حابارلايدى Qamshy.kz.

كۋاگەرلەردىڭ حابارلاۋىنشا، نيكول بازارى، اباي داڭعىلى مەن بايزاقوۆ كوشەسى قيىلىسىندا، ابىلاي حان داڭعىلى مەن قازىبەك بي كوشەسى اۋماعىندا اتىستار ەستىلگەن. بەلگىسىز ادام كوشەدە اۆتوماتپەن جۇگىرىپ ءجۇرىپ وق اتقان.

ءقازىر وقيعا ورنىندا ءتارتىپ ساقشىلارى جانە جەدەل جاردەم ماشينالارى بار. 

«اباي داڭعىلى مەن بايزاقوۆ كوشەسىنىڭ قيىلىسىندا، ياعني ق ر ۇقك الماتى قالاسى بويىنشا دەپارتامەنتىنىڭ عيماراتى الدىندا قارا كيىنگەن بەلگىسىز بىرەۋ ەكى ادامدى اتىپ قۇلاتقان. سونداي-اق، ابىلاي حان مەن تولە بي كوشەسىنىڭ قيىلىسىندا دا ءتارتىپ ساقشىلارىمەن بەلگىسىز بىرەۋلەر اراسىندا اتىس بولعان»، - دەيدى كۋاگەرلەر. 

جارالانعانداردىڭ ءبىرى ءقۇرمانعازى-شارىپوۆ كوشەلەرىنىڭ قيىلىسىندا جاتىر. ادامدار وسى اۋداندا اتىستى ەستىگەن. اينالانى پوليسەيلەر قورشاۋعا الدى. پوليسيا كولىگىندە جاراقات العان قۇقىق قورعاۋ ورگاندارىنىڭ قىزمەتكەرى جاتىر. وسىعان دەيىن تاعى ءبىر جاراقات العان ادامدى الىپ كەتكەن.

(فوتو ماقسات تولىقبايدىڭ ينستاگرام پاراقشاسىنان الىندى)