بۇگىن، 18 شىلدە كۇنى،  استانا ۋاقىتىمەن 12:20-دا الماتى قالاسىنىڭ اۋماعىندا تەرروريستىك قاۋىپتىلىكتىڭ قىزىل دەڭگەيى بەلگىلەندى، دەپ حابارلايدى Qamshy.kz قالالىق ءىىد باسپا ءسوز قىزمەتىنە سىلتەمە جاساپ.

«وسىعان بايلانىستى، قالا تۇرعىندارى مەن قوناقتارىن اتالعان دەڭگەيدە قاراستىرىلعان تالاپتاردى ساقتاۋعا شاقىرامىز»، - دەلىنگەن حابارلامادا.

ايتا كەتەيڭك، «قىزىل» دەڭگەيلى ءقاۋىپ ورناعان كەزدە جەكە زاتتارى مەن ترانسپورت قۇرالدارىن تەكسەرۋگە جانە قوزعالىستى ۋاقىتشا شەكتەۋگە نەمەسە توقتاتۋعا مۇمكىندىك بەرەدى. سونداي-اق وسى دەڭگەيدە ەش كەدەرگىسىز تۇرعىن ۇيلەرگە جانە باسقا دا عيماراتتارعا كىرە بەرۋگە رۇقسات بار. تەلەكوممۋنيكاسيالىق جۇيە كانالدارى ارقىلى بەرىلەتىن اقپارات پەن كەلىسسوزدەردى باقىلاۋ ءتارىزدى شارالار دا قابىلدانادى. بارلىق ارنايى قىزمەتتىڭ اسكەري دايىندىعى كۇشەيتىلىپ، اۋەجايلار، تەڭىز پورتتارى مەن مەتروپوليتەن وبەكتىلەرىن، تەمىر جولدار مەن اۆتوبەكەتتەردى ارنايى قۇرالدارمەن تەكسەرۋ كەزىندەگى رەجيمدەردىڭ قاتاڭداتىلۋى ءتارىزدى شارالار جۇرگىزىلەدى.