الماتىدا بولعان اتىستان ءبىر تۇرعىنى مەن ءۇش پوليسيا قىزمەتكەرى قازا تاپتى، - دەپ حابارلايدى Qamshy.kz ق ر ىشكى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.
«قىلمىسكەر قالا تۇرعىنىنىڭ جەكە جەڭىل اۆتوكولىگىن يەلەنۋ ءۇشىن وعان وق اتىپ، كولىك جۇرگىزۋشىسى العان جاراقاتىنان قازا تاپتى. سونداي-اق، العان جاراقاتىنان ءۇش پوليسيا قىزمەتكەرى اۋرۋحاناعا جەتكىزۋ كەزىندە كوز جۇمدى»،-دەلىنگەن رەسمي حابارلامادا.
رەسمي دەرەك بوىنشا، الماتى قالاسى ىشكى ىستەر دەپارتامەنتىنىڭ المالى اۋداندىق ىشكى ىستەر باسقارماسىنا وتپەك بولعان قىلمىسكەر پوستتاعى پوليسياعا وق جاۋدىرىپ، پوليسيا قىزمەتكەرىنىڭ قارۋىن يەلەنىپ قاشىپ كەتكەن.
قىلمىسكەردىڭ ارتىنان قۋعان «بوران» پوليسيا ەكيپاجىنا قارسى دا وق جاۋىپ، سونىڭ سالدارىنان ەكى پوليسيا قىزمەتكەرى جارالاندى.
«قازاقكونسەرت» اق ورنالاسقان اۋداندا پوليسيا قىلمىسكەردى جارالاپ، ونى قولعا ءتۇسىردى.
«الدىن الا بولجام بويىنشا، ۇستالعان ادام قىزىلوردا وبلىسىنىڭ 27 جاستاعى تۋماسى، بۇرىن سوتتالعان. وتكەن دەمالىس كۇندەرى ءبىر ايەلدى ءولتىردى دەگەن كۇدىك بار. قالا بويىنشا «سيرەنا» جەدەل جوسپارى جۇزەگە اسىرىلىپ جاتىر. پوليسيا قىزمەتكەرلەرىنىڭ بارلىعى قىلمىسكەردىڭ سىبايلاستارىن ىزدەۋدە»، - دەپ حابارلادى ق ر ءىىم باسپا ءسوز قىزمەتى.
