الماتى تۇرعىنى، جەلتوقسانشى قايرات رىسقۇلبەكوۆتىڭ باۋىرى تالعات رىسقۇلبەك ەلدەگى ءدىني احۋالعا بايلانىستى پىكىرىن ءبىلدىرىپ، الەۋمەتتىك جەلىدە ۆيدەوۇندەۋ جاريالادى، - دەپ حابارلايدى Qamshy.kz.

ۆيدەو اۆتورى وندا سالافيتتەرگە قاتىستى ويىن ايتا كەلە، وسى اعىمعا تۋرالى قوعامداعى پىكىرلەرگە جاۋاپ بەرەدى. ءوز سوزىندە ت. رىسقۇلبەك مەشىت يمامدارىن ءبىلىمسىز دەپ ايىپتاپ، ءدىني اداسۋشىلىقتىڭ ءبىر سەبەبى سول يمامداردىڭ شالاعايلىعىندا دەگەن وي ايتادى.

سونداي-اق، ول ەلدە جۇرگىزىلىپ جاتقان لاڭكەستىككە قارسى ارەكەتتەر مەن لاڭكەستىك وقيعالارعا قاتىستى دا پايىمدارىمەن بولىسەدى.

«...«كنب» قولعا تۇسىرمەي ولتىرەدى، يا بولماسا ءبىر ادامدى قولعا ءتۇسىردى دەپ قويادى دا، وعان قۇيتىرقى ارەكەتپەن ءدارى بەرە مە باسقا ما، "مويىندادى" دەيد»، - دەپ انتيتەرروريستىك شارالارعا باعا بەرەدى.

بۇعان دەيىن ول "فەيسبۋكتەگى" پاراقشاسىندا 18 شىلدە كۇنى الماتىدا بولعان تەراكتىگە قاتىستى پىكىرى جازىلعان ۆيدەو جاريالاپ، كەيىن ونى ءوشىرىپ تاستاعانىن ايتادى جەلى قولدانۋشىلارى.