الماتىلىق «اتقىش» رۋسلان كۇلىكبايەۆ قىزىلوردادا كونە قارۋ ساقتاعانى ءۇشىن جاۋاپقا تارتىلعان، - دەپ حابارلايدى Qamshy.kz tengrinews.kz- كە سىلتەمە جاساپ.

قىزىلوردا وبلىستىق سوتىنىڭ حابارلاۋىنشا ول 2012 جىلعى 14 اقپاندا تاراز قالاسىنىڭ تەمىرجول ۆوكزالى ماڭىندا 1895 جىلى شىعارىلعان 5،6 ميليمەترلىك كاليبرلى كونە ريەۆولۆەر مەن 5،6 ميليمەترلىك 7 پاترون، قارۋدىڭ ءۇنىن باساتىن قۇرالىن تاۋىپ الادى. قارۋدى پوليسياعا وتكىزبەي ودان ءارى ساقتاۋ ءۇشىن وزىمەن الىپ كەتكەن. وسى ارەكەتى ءۇشىن ول 3 جىل التى اي مەرزىمگە باس بوستاندىعىنان ايرىلعان ەكەن. ر. كۇلىكبايەۆ جازاسىن جالپى رەجيمدەگى كولونيادا وتەگەن.

ەستەرىڭىزگە سالساق، 18 شىلدە كۇنى الماتىدا تەراكت بولىپ، ر. كۇلىكبايەۆتىڭ قولىنان ءتورت پوليسيا قىزمەتكەرى، ءبىر شەكاراشى، ءبىر زەينەتكەر مەن ءبىر «جەڭىل ءجۇرىستى» دەلىنگەن كەلىنشەك قازا تاپتى. قاندىقول تۇتقىندالىپ، قاماۋعا الىندى.