الماتىدا قوعامدىق كولىككە تولەم تەرمينالى ورناتىلعان، - دەپ حابارلايدى Qamshy.kz.

قالا ىشىندە №92 باعىتتا قاتىنايتىن اۆتوبۋس ىشىنە قالتە تەلەفون، كوممۋنالدىق، باسقا دا قىزمەت اقىسىن تولەيتىن تەرمينال ورناتىلعان. قوعامدىق كولىكتەگى مۇنداي «جاڭالىققا» كەزدەيسوق كۋا بولعان جۋرناليست باۋىرجان كاريپوۆ تولەم تەرمينالىنىڭ جولاۋشىلارعا قولايسىزدىق تۋدىرۋى مۇمكىن ەكەنىن ايتادى.

«اۆتوبۋس جۇرگىزۋشىسى تەرمينالدىڭ ءبىر اي بۇرىن قويىلعانىن ايتادى. جۇرگىزۋشىنىڭ سوزىنە سەنسەك، اپپاراتتى كولىككە اۆتوپارك باسشىسى قويعىزعان. جۇرگىزۋشى تەرمينالدىڭ جولاۋشىلاردىڭ «وڭاي» كولىك كارتاسىن تولتىرۋىنا قولايلى ەكەندىگىن ايتىپ وتىر. مەنىڭشە، بۇل باستاما ومىرشەڭ بولمايتىن سياقتى. ءقازىر جاز مەزگىلى، قالادا ارلى-بەرلى جۇرگەن ادام ازايدى. ستۋدەنتتەر اۋىلدارىنا قايتتى، ءبىراز جۇرت جازعى دەمالىستا دەگەندەي. ال، مىنا تەرمينال بولسا، كەمى ءبىر ادامنىڭ ورنىن الىپ تۇر. جاز اياقتالىپ، ستۋدەنتتەر ورالعاندا اۆتوبۋستار ىشىندە «پرەستەلۋ» قايتا باستالادى. سول كەزدە بۇل اپپاراتتىڭ قيراپ قالمايتىنىنا، جولاۋشىلارعا قولايسىزدىق تۋمايتىنىنا كىم كەپىل؟ ودان دا، اۆتوبۋستاردىڭ سانىن كوبەيتۋدى ويلاعان ءجون سياقتى. ال، تولەم كارتاسىن تولتىرۋ ءۇشىن كوپ ورىن المايتىن ىقشام تەرمينالداردى پايدالانۋعا بولادى عوي»، - دەيدى جۋرناليست.

سونداي-اق، جۋرناليست اۆتوبۋس جۇرگىزۋشىسىنىڭ جۇمىستان شىعىپ قالۋى مۇمكىن ەكەنىن العا تارتىپ، اتىن اتاۋدان باس تارتقانىن ايتادى.