روسپوترەبنادزور ومبىداعى «سىرى» زاۋىتى ونىمدەرىنىڭ نارىقتاعى اينالىمىن توقتاتا تۇرۋ تۋرالى شەشىم شىعاردى. بۇنداي شەشىم زاۋىت قىزمەتكەرلەرى ءسۇت تولتىرىلعان ۆاننادا شومىلعان فوتوسۋرەتتەرىن الەۋمەتتىك جەلىلەرگە سالعاننان كەيىن قابىلداندى.

اتالعان كاسىپورىننىڭ ونىمدەرى رەسەيدىڭ بىرنەشە وڭىرلەرىندە ساتىلىمنان قايتارىلىپ جاتىر. ناۋرىزدىڭ اياعىندا عالامتوردا زاۋىتتىڭ بىرنەشە قىزمەتكەرىنىڭ ءوز ارىپتەستەرىنىڭ تۋعان كۇنىن تويلاۋ كەزىندە سۇتكە شومىلىپ جاتقان فوتوسۋرەتتەرى پايدا بولعان ەدى. وسىدان كەيىن روسپوترەبنادزور كاسىپورىندا سانيتارلىق زاڭنامانى ورەسكەل بۇزۋشىلىق جايتتارى تۋرالى مالىمدەدى. ۆەدومستۆو سونىمەن قاتار وڭىرلىك تەرگەۋ كوميتەتىندە زاۋىت قىزمەتكەرلەرىنە قاتىستى قىلمىستىق ءىس قوزعاۋ تۋرالى ماسەلەنى كوتەردى، دەپ جازادى ۆۆس.

وسى ەلدىڭ باس پروكۋراتۋراسى دا زاۋىتتىڭ لاۋازىمدى تۇلعالارىنىڭ ءىس-قيمىلىن تەكسەرۋگە نيەتتى ەكەنىن مالىمدەدى. ال كاسىپورىن يەسى اركاديي پلەتيۋكتىڭ مالىمدەۋىنشە، بەينە تاستاپاعا تۇسكەن قىزمەتكەرلەر سۇتكە ەمەس، ونىمگە ارنالعان ۆاننانى جۋعاننان كەيىن قالعان تەحنولوگيالىق سۇيىقتىققا شومىلعان.

inform.kz