تەرروريستەر تۇرمەدە جاتىپ-اق قاتارىن كوبەيتۋدە. ويتكەنى، ءقازىر ەكسترەميزم ءۇشىن ءىستى بولعانداردار وزگە قىلمىسكەرلەرمەن ءبىر كامەرادا جازاسىن وتەپ جاتىر. جات اعىمنىڭ جەتەگىندە كەتكەندەر اباقتىدا دا تىنىش جاتپاي، جاسىرىن ۇگىت-ناسيحات جۇرگىزىپ، جانىنداعىلارىن دىنىنەن اداستىرادى ەكەن. ارباۋعا كوبىنە جاستار مەن پسيحولوگيالىق تۇرعىدان ءالسىز ادامدار ءتۇسىپ قالادى. سوندايلاردىڭ ءبىرى - الماتىدا اتىس جاساعان رۋسلان كۇلىكبايەۆ. اباقتىدا سالافيتتەرمەن بايلانىسقان ول بوستاندىققا شىققان سوڭ تەراكت جاساعان، - دەپ حابارلايدى Qamshy.kz كتك ارناسىنا سىلتەمە جاساپ.

ءقازىر ەلىمىزدەگى تۇرمەلەردە 500-گە جۋىق تەرروريست جازاسىن وتەپ جاتىر. ولاردىڭ ءار جىلى بولعان تەراكتىلەرگە قاتىسى بار. باس پروكۋراتۋرانىڭ مالىمەتىنشە، تەك بيىل 40-قا جۋىق ادام تەرروريزم بابى بويىنشا سوتتالىپتى. كوبى سيريا مەن ۋكرايناداعى سوعىسقا قاتىسقان. دىنىنەن اداسقاندار اباقتىدا دا تىنىش جاتقان جوق. جان-جاعىنداعىلارعا جاسىرىن ۇگىت-ناسيحات جۇرگىزىپ، وزگەلەردىڭ دە ساناسىن ۋلاۋدا. ماسەلەن، ەكى رەت سوتتالىپ، جازاسىن وتەپ شىققان رۋسلان كۇلىكبايەۆ تا تۇرمەدە سالافيتتەرمەن تىعىز قارىم-قاتىناستا بولعان ەكەن. 

-كۇلىكبايەۆ رۋسلان الپىسباي ۇلى  11 ماۋسىم 1990 جىلى تۋعان.  قىزىلوردا وبلىسىنىڭ  تۋماسى. تۇرمەدە سالافيتتەرمەن بايلانىسقان. ءقازىر تەكسەرىپ جاتىرمىز، - دەيدى ق ر ۇقك ءتوراعاسى ۆلاديمير جۇماقانوۆ.

دەگەنمەن، ىشكى ىستەر مينيسترلىگى وزدەرىنە شاڭ جۋىتقىسى جوق. تۇرمەدەگى وزگە قىلمىسكەرلەرمەن بىرگە جازاسىن وتەپ جاتقان تەرروريستەردى ءجىتى باقىلاۋدا ۇستاپ وتىرمىز دەيدى ولار. 

-ۇلتتىق قاۋىپسىزدىك كوميتەتىمەن بىرلەسىپ كەشەندى جۇمىستار جۇرگىزەمىز. تەرروريزم مەن ەكسترەميزم ءۇشىن سوتتالعاندارمەن جەكە-جەكە سويلەسەمىز. تۇرمەگە تەولوگتار دا كەلەدى. سوندىقتان ادام تۇرمەدەن سەكتانت بولىپ شىقتى دەگەنگە سەنبەيمىن، - دەيدى ق ر ءىىم قىلمىستىق اتقارۋ جۇيەسى كوميتەتى ءتوراعاسىنىڭ ورىنباسارى مەيرام ايۋبايەۆ.

الايدا، بۇدان ەش ناتيجە جوق. اسىرە دىنشىلدەر كوزگە تۇسپەۋگە تىرىسادى، اسحانادا، كورشىسىمەن جالعىز قالعاندا، تۇندە ناسيحات جۇرگىزەدى ەكەن. كەيىن قاشىپ شىعۋدىڭ جوسپارىن قۇرادى. وسىدان التى جىل بۇرىن اقتاۋداعى تۇرمەدەن ادام ولتىرگەنى ءۇشىن سوتتالعان 20 سوتتالۋشى قاشىپ، 7ء-ۋى سول جەردە كۇزەتشىلەردىڭ قولىنان قازا تاپقان ەدى. قالعانى قىزىلساي شاتقالىنان تابىلدى. تاعى ءبىر توبى وز-وزدەرىن ورتەپ جىبەرگەن بولاتىن. ارادا جىل وتكەن سوڭ بالقاشتاعى تۇرمەدەن دە مۇزداي قارۋلانىپ قاشپاق بولعان 16 ادامنىڭ كوزى جويىلدى. اتىس كەزىندە تۇرمەنىڭ ءبىر قىزمەتكەرى وققا ۇشتى. قىلمىسكەرلەردىڭ كەيىن تۇرمەدە ءدىن جولىندا جۇرگەنى انىقتالعان بولاتىن.

ەلىمىزدە بىلتىر 16 مىڭ ادام جازاسىن وتەپ، بوستاندىققا شىعىپتى. ونىڭ 700ء-ى تەرروريزم بابى بويىنشا سوتتالعاندار. ىشكى ىستەر مينيسترلىگى  جازاسىن وتەۋشىلەر ەكىنشى رەت قىلمىس جاساماۋ ءۇشىن پروباسيا ياعني اباقتىدان كەيىن ومىرگە بەيىمدەۋ تۋرالى ارنايى زاڭ جوباسىن جازىپ شىعىپتى. ونى كۇزدە پارلامەنتكە تانىستىرماق. جاڭا قۇجات قابىلدانسا، قىلمىسكەرلەرگە بوستاندىققا شىققاندا الەۋمەتتىك جاعداي جاسالادى، ءتىپتى جۇمىس تا تاۋىپ بەرمەك.