قازاقستان وبلىسىنىڭ پوليسەيلەرى وڭىردە قىلمىستىق جاعدايدى تۇراقتاندىرۋ بويىنشا ماقساتتى باعىتتالعان ناقتى جۇمىستار جۇرگىزۋدە، - دەپ حابارلايدى Qamshy.kz Altaynews.kz -كە سىلتەمە جاساپ.

جىل باسىنان بەرى ىشكى ىستەر ورگاندارى قىزمەتكەرلەرى 6 مىڭنان استام قىلمىستى اشتى. قىلمىستىڭ 2%-عا تومەندەۋىنە قول جەتكىزىلدى. ونىڭ ىشىندە اسا اۋىر قىلمىستار – 20%-عا، توناۋلار – 19%-عا، قاراقشىلىق شابۋىلدار 13%-عا، بۇزاقىلىق – 28 %-عا، الاياقتىق قىلمىستار سانى – 25%-عا دەيىن ازايعان.

2016 جىلدىڭ باسىنان بەرى وبلىس پوليسەيلەرى ۇرلىقپەن اينالىسقان 35 قىلمىستىق توپتى ۇستاپ، زاڭدى جاۋاپكەرشىلىككە تارتتى، ونىڭ ىشىندە 26 توپ پاتەر ۇرلىقتارىمەن جانە 9 توپ مال ۇرلىعىمەن اينالىسقان.

ىشكى ىستەر ورگاندارىنىڭ قىزمەتكەرلەرى وتكەن جىلدارى جاسالعان 281 قىلمىستى اشتى، ىزدەستىرۋدە جۇرگەن 109 قىلمىسكەر ۇستالدى. زاڭسىز اينالىمنان 59 بىرلىك اتىس قارۋى تاركىلەنگەن.

وبلىس پوليسەيلەرى ەسىرتكىمەن بايلانىستى 258قىلمىستى انىقتادى. ونىڭ 74ء-ى ەسىرتكى ساتۋمەن بايلانىستى. زاڭسىز اينالىمنان 54 كەلىدەن ارتىق ەسىرتكى زاتتارى الىنعان. 

تەرگەۋشىلەر جانە انىقتاۋشىلارمەن 6،3 مىڭ قىلمىستىق ءىستىڭ ءوندىرىسى اياقتالدى. پوليسيا قىزمەتكەرلەرى ازاماتتاردىڭ جيىنى 84 مىڭ ءوتىنىشىن قارادى.

حالىققا قىزمەت ەتۋگە، ولاردىڭ قۇقىقتارىن، بوستاندىقتارىن جانە تۇرعىنداردىڭ، قوعامنىڭ جانە مەملەكەتتىڭ زاڭدى مۇددەلەرىن قورعاۋعا پوليسيا قىزمەتكەرلەرى ءارقاشان مىندەتتىلىك الىپ كەلەدى. 

داۋرەن اللابەرگەن ۇلى