شقو-دا «نۇر وتان» پارتياسى قالالىق فيليالىنىڭ قولداۋىمەن بوس ورىندار جارمەڭكەسىن وتكىزدى، - دەپ حابارلايدى Qamshy.kz.
بۇل جولعى بوس ورىندار جارمەڭكەسى تىڭ ۇلگىدە ۇيىمداستىرىلدى. جۇمىس بەرۋشىلەر قاتىسپاعان شارادا اتالعان ورتالىق پەن «ورلەۋ» جوباسىنىڭ ماماندارى قاتىسۋشىلارعا «جۇمىسپەن قامتۋ 2020 جول كارتاسى» باعدارلاماسى جونىندە كەڭىنەن اقپارات بەردى. سونىمەن قاتار، جينالعاندار دايىندىق كۋرستارى مەن كادرلاردى قايتا دايارلاۋ بويىنشا تۇسىنىكتەمە الۋعا مۇمكىندىك الدى.
تەك قانا الەۋمەتتىك جاعىنان از قامتىلعان جاندار ەمەس، جالپى «ەكى قولعا ءبىر كۇرەك» ىزدەگەندەردى جۇمىسپەن قامتۋدا مەملەكەتتىك باعدارلامالاردىڭ تيىمدىلىگى جوعارى. مىسالى، ورتالىق 2015-جىلى 6 مىڭنان استام ادامدى ەڭبەكپەن قامتىسا، جىل باسىنان مىڭ جارىم تۇرعىن ۋاقىتشا جانە تۇراقتى جۇمىسقا ورنالاسقان.
