بيىل شقو-نىڭ ۇلان اۋدانىنداعى سيبين كولىندە ءتۋريزمدى دامىتۋ بويىنشا كەشەندىك جوسپاردى جاساۋعا كىرىستى. وسىلايشا، 3 سۋ قويماسىندا تۋريستتىك بازانى قۇرۋ جوسپارلانۋدا، دەپ اۋدان اكىمى داۋلەت باتىربايەۆ ءمالىم ەتتى.
ونىڭ ايتۋىنشا، تۋربازانىڭ ەرەكشەلىكتەرىنىڭ ءبىرى تەك جاقسى سەرۆيس، ىڭعايلى پيرس پەن تۇراق بولىپ قانا قويمايدى، سونىمەن قاتار ەتنواۋىلدار بولادى جانە ولار جاعالاۋدا ورنىعادى. بۇل جەرگە كەلگەن تۋريستەر قولونەرمەن تانىسىپ، ونى جاساي الادى، ۇلتتىق تاعامنىڭ ءدامىن تاتادى.
«ءتۋريزمدى دامىتۋ بويىنشا كەشەندىك جوسپاردا «شالقار» ءسىبىن كولىندە دەمالىس بازاسىن قۇرۋ جوسپارلانعان. جوبا 20016 جىلدان باستاپ 2018 جىلعا دەيىن ىسكە اسادى. قازىرگى كۇنى قونىستاندىرۋشىلىق جۇمىستارى جاسالدى، كولدىڭ ءتۇبى مەن جاعالاۋى قوقىستاردان تازارتىلدى»،-دەدى ايماق باسشىسى.
د. باتىربايەۆتىڭ ايتۋى بويىنشا، جوبانىڭ تۇجىرىمداماسى ءىرى ماسشتابدى جازعى تۋريستىك فەستيۆالدەردى وتكىزۋ ءۇشىن تۋريستىك بازانى قۇرۋدى قاراستىرادى.
جاڭا دەمالاتىن بازادا ىڭعايلى تۇراقتى قامتاماسىز ەتەدى. سونىمەن قاتار، كولگە اپاراتىن ەكى ىڭعايلى پيرس ورناتىلادى، سپورتتىق، ويىن الاڭدارى، جۋىناتىن بولمەلەر، سانيتارلىق توراپ، شەشىنەتىن بولمەلەر ورنالاستىرىلادى.
دەمالىس بازاسىنىڭ ەرەكشەلىگى - جاعالاۋدا ەتنواۋىلدىڭ بولۋى. بۇل جەردە تۋريستەر ءوز بەتتەرىنشە قولونەرمەن تانىسىپ، ونى جاساپ كورە الادى، سونداي-اق ۇلتتىق تاعامنان ءدام تاتادى.
اۋدان اكىمدىگىندە حابارلاعانداي، دەمالىس ورتالىعىمەن سەرۋەندەۋگە جانە ۆەلوتۋر ءۇشىن باعىتتاردى، جىلقى جانە كۆادروسيكلمەن جۇرەتىن باعىتتار سالىنادى.
سونىمەن قاتار، دۇبوعالى كولىندە مۋنيسيپالدىق جاعاجاي جاسالۋدا.
ايتا كەتەتىن جايت، ايماق اۋدانىندا بۇقتىرما سۋ قويماسى، شىبىندى، ءسىبىن جانە دۇبوعالى كولى ورنالاستىرىلعان. اۋداندا 27 دەمالىس بازاسى بار. وتكەن جىلى بۇل جەرلەرگە 16520 ادام دەمالۋعا كەلگەن، ولاردىڭ ىشىندە 8000-ى رەسەي فەدەراسياسىنان كەلگەن تۋريستەر، دەپ جازادى strategy2050.kz.
