بيۋدجەتتىڭ ميلليوندارىن جەگەن لاۋازىمدى شەندىنىڭ جازاسى ۇلعايتىلدى.  بۇگىن الماتىنىڭ اۋدانارالىق سوتى شەكارا قىزمەتى ديرەكتورىنىڭ بۇرىنعى ورىنباسارىن 11 جىلعا سوتتادى. ءالىم حاسەنوۆ 2010-شى جىلى ۇستالىپ، قىزمەتىن اسىرا پايدالاندى دەگەن ايىپپەن 4 جىلعا ابىقتىعا جابىلعان بولاتىن.

بۇل جولى «پارا العانى»، «قىزمەتىن پايدالانعانى» جانە «سەنىپ تاپسىرىلعان مەملەكەت مۇلكىن تالان-تاراجعا سالعانى ءۇشىن» ايىپتى دەپ تانىلىپ وتىر. شەنەۋنىك شەكارا زاستاۆالارىنىڭ قۇرىلىسىنا بولىنگەن قارجىعا قول سۇققان. شەكارا قىزمەتىندە لاۋازىمدى قىزمەت اتقارعان تۇستا حاسەنوۆ تەندەردى جەڭگەن قۇرىلىس كومپانياسى باسشىسىمەن جانە مەملەكەتتىك ساتىپ الۋ باسقارماسى جەتەكشىسىمەن سىبايلاسىپ، 300 ملن تەڭگەنى قالتاعا باسىپتى. ال قۇرىلىس سول كۇيى قاعاز جۇزىندە قالعان. بۇگىن سوت وسى ەكى سىبايلاسقا دا ۇكىم كەستى. مەردىگەر كومپانيا باسشىسى ەندى 5 جىلىن تۇرمەدە وتكىزەدى. ال 2 جىل جازا كەسىلگەن باسقارما جەتەكشىسىن سوت سول جەردە-اق راقىمشىلىققا ءىلىندىرىپ، بوساتىپ جىبەردى. 50 جاستاعى حاسەنوۆتىڭ ءوزى بولسا، جازاسىن قاتاڭ تارتىپتەگى تۇرمەدە وتكىزۋى ءتيىس.

ktk.kz