استانا قالاسى جولاۋشىلار كولىگى باسقارماسىنىڭ باسشىسى ەدىل سۇلەيمەنوۆ پارا الۋ ۇستىندە ۇستالدى، - دەپ حابارلايدى Qamshy.kz جەمقورلىققا قارسى ءىس-قيمىل ۇلتتىق بيۋروسىنىڭ باسپا ءسوز قىزمەتىنە سىلتەمە جاساپ.

ەدىل سۇلەيمەنوۆ 28 شىلدە كۇنى ەكى بىردەي كاسىپكەردەن جالپى جيىنى 2،1 ميلليون تەڭگە پارا الىپ جاتقاندا قولعا تۇسكەن.

ۇلتتىق بيۋرونىڭ حابارلاۋىنشا، ول الدىمەن دەلدالدار ارقىلى جولدارداعى جاساندى كەدەرگىلەردى بۇزۋ جۇمىستارىنىڭ اكتىسىنە قول قويعانى جانە كاسىپكەردى جاۋاپسىز ورىنداۋشىلار رەەسترىنە قوسپاۋ ءۇشىن 1،5 ميلليون تەڭگە پارا العان. ارتىنان ايالداما پاۆيلوندارىن جۋىپ، سىرلاۋ جۇمىستارىنىڭ اكتىسىنە قول قويۋ ءۇشىن 600 مىڭ تەڭگە پارانى تاعى العان.

ەكى پارا الۋ وقيعاسىندا پارا قۇنى وتكىزىلگەن مەملەكەتتىك ساتىپ الۋلار بايقاۋلارى سوماسىنىڭ 10 پايىزىن قۇراعان.

ە. سۇلەيمەنوۆ ءقازىر استانا قالاسى ءىىد ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ باستالدى.