ءبىرازدان بەرى استانانىڭ دا كوپ كوشەسى ءبىرباعىتتى ءجۇرۋ ەرەجەسىنە كوشكەن بولاتىن. جەلتوقسان، اۋەزوۆ، كەنەسارى، اباي كوشەسى ءقازىر ءبىر باعىتتا عانا قىزمەت كورسەتەدى. مىنا تومەندەگى ۆيدەودا الماتى قالاسىنداعى ءبىرباعىتتى كوشەلەردىڭ بىرىندە قارسى بەتكە شىعىپ كەتكەن جىگىتتىڭ ەرەگەسى بەينەلەنگەن، - دەپ حابارلايدى Qamshy.kz baq.kz – كە سىلتەمە جاساپ.

ايتپاقشى، ۆيدەودا «ساقالدى سەرىنىڭ» اۋزىنان شىعاتىن بوقاۋىز سوزدەر بارىن ەسكەرتىپ قويايىق!

سونىمەن قاتار، بۇل ۆيدەونى بولىسكەن ەكاتەرينا ساعىمبايەۆا ەسىمدى الەۋمەتتىك جەلى قولدانۋشىسى بىلاي دەپ جازادى:

«مىنا وقيعانى سىزدەرمەن بولىسكىم كەلەدى. بۇگىن كەشكى ساعات 17:40 شاماسىندا كۇيەۋىممەن بىرگە سارىارقا كينوتاەترى مەن بازاردىڭ ورتاسىنداعى ءبىرباعىتتى جول بەلگىسى قويىلعان كوشەمەن كەلە جاتقانبىز. قارسى بەتتەن ءبىر ەر ازامات ءوز كولىگىمەن قارسى جولىعىپ، بىزدەن ءوزىن وتكىزۋىمىزدى سۇرادى. قالاي بولعانىن ۆيدەودان كورىپ الارسىزدار» - دەلىنگەن ەكاتەرينانىڭ جەكە پاراقشاسىندا.

ەرەگەسىپ تۇرعان جىگىتتىڭ شوقشا ساقالىنا، قىسقا بالاعىنا قاراپ، ناماز وقۋدى "مودا" قىلعانىن بايقاۋ قيىن ەمەس. دەسە دە، وسىنداي وركوكىرەك ازاماتتاردىڭ كەسىرىنەن قازاق جىگىتتەردىڭ ابىرويىنا نۇقسان كەلىپ جاتقانى وتىرىك ەمەس. ال ساقال قويعانداردىڭ بارلىعى ساليقالى، شولاق بالاقتىڭ بارلىعى شىركىن-اي ەمەستىگىن وسىدان كورۋگە بولادى.