جۇما كۇنى الماتىنىڭ مەدەۋ اۋداندىق №2 سوتىنان ايىپتالۋشى قاشىپ كەتكەن، - دەپ حابارلايدى Qamshy.kz ratel.kz – كە سىلتەمە جاساپ.

كەشە كەشكى بەستەر شاماسىندا ەكى پوليسيا سەرجانتىنان تۇراتىن كونۆوي اۋداندىق سوتقا ۇرلىق جاسادى دەپ ايىپتالعان 1991 جىلى تۋعان د. دوسماعامبەتوۆ دەگەن كۇدىكتىنى قاماۋعا سانكسيا الۋ ءۇشىن جەتكىزگەن.

كونۆوي د. دوسماعامبەتوۆتى سوت عيماراتىنىڭ استىنداعى كامەراعا جاۋىپ، وزدەرى قاراۋىل بولمەسىنە كەتىپ قالعان. سول ساتتە سوت جەرتولەسىندە دانەكەرلەۋ جۇمىستارى جۇرگىزىلىپ جاتقاندىقتار، كامەرا ورنالاسقان جەر قاتتى ءتۇتىن بولعان كورىنەدى. پوليسەي كامەرا ەسىگىن قۇلىپپەن ەمەس، كىسەنمەن جاۋىپ، قاتەلىك جاساعان.

پوليسەيلەر تازا ۋاۋ جۇتقاندا، كۇدىكتىنىڭ دە دۇرىستاپ تىنىستاعىسى كەلسە كەرەك، كىسەن-قۇلىپتى اشىپ، تايىپ تۇرعان.

ءقازىر الماتى قالالىق ءىىد ىشكى قاۋىپسىزدىك باسقارماسى وسى وقيعاعا بايلانىستى قىزمەتتىك تەكسەرىس جۇرگىزۋدە.

سوت عيماراتىنان قاشىپ كەتكەن كۇدىكتى دوسماعامبەتوۆ دۋنەس ومونگەلدييەۆيچ 1991 جىلى وزبەكستاننىڭ سۋرحانداريا وبلىسىندا تۋعان. 2013 جىلى ق ر قك 175-بابىمەن، 2016 جىلى ق ر قك 188-بابىمەن قىلمىستىق جاۋاپكەرشىلىككە تارتىلعان. اسا ءقاۋىپتى قىلمىسكەر سانالادى.