قازاقستاندا قازاق-تۇرىك ليسەيلەرى (قتل) ءوز جۇمىسىن جالعاستىرادى، - دەپ حابارلايدى Qamshy.kz ءبىلىم جانە عىلىم مينيسترلىگىنىڭ باسپا ءسوز قىزمەتىنە سىلتەمە جاساپ.

«قازاق-تۇرىك ليسەيلەرى (قازاستاندا بارلىعى 27 مەملەكەتتىك قتل بار - رەد.) بۇرىنعىسىنشا جۇمىس جاسايدى. وقۋشىلار مەن اتا-انالارعا اۋىسۋ ءۇشىن جاڭا مەكتەپ ىزدەۋدىڭ قاجەتى جوق»، - دەيدى مينيسترىكتىڭ رەسمي وكىلى ايگەرىم الىبەكوۆا.

مينيسترلىك وكىلىنىڭ ايتۋىنشا، قتل-دە وقىتۋ ساياساتى تۇركيا باعدارلاماسىنا ەمەس، جەرگىلىكتى جانە حالىقارالىق ءبىلىم بەرۋ ستاندارتىنا نەگىزدەلگەن.

قتل قىزمەتىن رەتتەيتىن حالىقارالىق «KATEV» قوعامدىق قورى، قازاقستان مەن تۇركيا پرەزيدەنتتەرى ن.نازاربايەۆ پەن ت.ءوزال  اراسىنداعى ەكىجاقتى كەلىسىم نەگىزىندە قۇرىلعان.

سونداي-اق، مينيستردىكىڭ مالىمەتىنشە، قتل ءوزى جۇمىس ىستەگەن بارلىق جىلداردا وقۋشىلاردىڭ جوعارى ۇلگەرىمىن كورسەتكەن، ەلىمىزدەگى ورتا ءبىلىم بەرۋ ورىندارىنداعى كوشباسشىلاردىڭ ءبىرى بولىپ تابىلادى. سوڭعى ءۇش جىلدا قتل وقۋشىلارى 5327 مەدال جەڭىپ الدى. سونىڭ ىشىندە 986-ى برازيليا، اقش، رەسەي، وڭتۇستىك كورەيا، جۇڭگو، رۋمىنيا، كانادا، گرەكيا، گرۋزيا، گەرمانيا جانە جاپونيا ەلدەرىندە وتكەن حالىقارالىق وليمپيادالاردا العان.

«قتل-دە 1124 وقىتۋشى جۇمىس ىستەيدى، ونىڭ 1030-ى قازاقستان ازاماتتارى (91،7%)، 94ء-ى (8،3%) تۇركيا ازاماتتارى.

قتل قازاق تىلىندە وقىتاتىن دارىندى بالالارعا ارنالعان وبلىستىق ليسەي-ينتەرنات بولىپ تابىلادى.

بيىلعى جىلى قتل-دى 1634 بالا ءتامامداعان. ۇبت بويىنشا ورتاشا بالل 102،3 بالل بولدى. ۇبت-2016 قورىتىندىسى بويىنشا بارلىق قتل «رەسپۋبليكانىڭ ۇزدىك 100 مەكتەبى»  توبىنا كىردى.

قتل-دىڭ وسى جىلعى تۇلەگى ايدوس قابىلدا لويونوسوۆ اتىنداعى ءممۋ-نىڭ «جىل ستۋدەنتى» اتاندى.

قتل-دا تاربيە جۇمىسى قازاقستان رەسپۋبليكاسىنىڭ ۇزدىكسىز ءبىلىم بەرۋ تاربيەسىنىڭ كونسەپسياسىمەن سايكەس، "ماڭگىلىك ەل" جالپىۇلتتىق يدەياسىمەن جانە پرەزيدەنتتىڭ جولداۋلارىمەن سايكەس جۇزەگە اسىرىلادى» ، - دەدى مينيسترىكتىڭ باسپا ءسوز قىزمەتى.

"KATEV" قورىنىڭ وكىلدەرى قتل مەن "KATEV" قورىنىڭ وزگە ەلدىڭ ۇكىمەتتەرىمەن، ۇيىمدارىمەن جانە جەكە تۇلعالارىمەن بايلانىسى جوق ەكەنىن مالىمدەدى.