ازاتتىق ءۇشىن ارپالىسقان مۇستافا شوقايدىڭ 1936 جىلى جازىپ الىنعان داۋىسى 2016 جىلدىڭ 20 شىلدەسى كۇنى الەۋمەتتىك جەلىگە شىعارىلدى. تۇركىستان جاستارىنا ايتىلعان ۇندەۋدە بىرلىك پەن بەرەكە بولسا، تۇركى دۇنيەسىنە سىرتتان ەشقانداي كۇشتىڭ اسەر ەتە المايتىندىعى باياندالادى، - دەپ حابارلايدى Qamshy.kz Stan.kz-كە سىلتەمە جاساپ.

«الىستا ءجۇرىپ، ەل قايعىسىن ويلاپ، ەۋروپانىڭ ءار تارابىندا جۇرگەن، بۇگىنگى تۇركيادا تۇرعان تۇركىستان جاستارى، بىرلەسىڭدەر. سەندەردىڭ بىرلىكتەرىڭ، سەندەردىڭ بىر-بىرلەرىڭە كۇش قوسۋلارىڭ ەلىمىزدىڭ باقىتىنا قىزمەت ەتپەك. مۇنى ۇمىتپاڭدار. ءبارىمىزدىڭ قۇبىلامىز – ءوزىمىزدىڭ اتاجۇرتىمىز، ولكەمىز تۇركىستان بولماق. تۇركىستان ءۇشىن ءولۋ، تۇركىستان ءۇشىن جان بەرۋ – بارىمىزگە ءبىر ماقسات، ءبىر مۇقاببات ءۋازيپا بولماق. مۇنى ۇمىتپاۋ كەرەك.

…تۇرىك حالقى – باتىر حالىق. تۇرىك حالقى – ارىستان ەر حالىق. «كىمنەن تاياق جەگەندەي ءبىزدىڭ تۇرىكتىڭ بالاسى، الدىرىپ جۇرگەن دۇشپانعا اۋزىنىڭ الاسى» بۇل ناقىل ءسوزدى ۇمىتپاۋىمىز كەرەك. ءبارىمىز ءبىر بولساق، ءبىزدىڭ جەڭبەيتۇعىن جاۋىمىز بولمايدى، ماقساتىمىزعا جەتەمىز! ونسىز ءبىزدىڭ كۇنىمىز جوق، قۇرىپ كەتەمىز. تۇرىك بالاسى، ۇمىتپاڭدار، باستارىڭداعى بوتەن ەلدىڭ وكىمەتىن شىعارىپ تاستاۋعا، اۋدارىپ تاستاۋعا تىرىسىڭدار!»، – دەپ جازىلعان ۇندەۋدە.