الماتى قالاسىنىڭ جەدەل جاردەم اۋرۋحاناسى جانساقتاۋ بولىمىندە 18 شىلدە كۇنى بولعان وقيعادا جاراقات العان ەكى پوليسيا قىزمەتكەرى كوز جۇمدى، - دەپ حابارلايدى Qamshy.kz.

دارىگەرلەر جاراقات العان پوليسيا قىزمەتكەرلەرىنىڭ ءومىرىن قۇتقارۋ ءۇشىن بارىن سالعان.

جانساقتاۋ بوىلىمىندە كوز جۇمعان پوليسەيلەردىڭ ءبىرى پوليسيا اعا سەرجانتى سەرىك ەركىن ۇلى ابىلدايەۆ 1973 جىلى تۋعان، الماتى قالاسى ءىىد جەرگىلىكتى پوليسيا قىزمەتى جول-پاترۋلدىك پوليسياسىنىڭ پوليسەيى، ىشكى ىستەر ورگاندارىندا 1994 جىلدان بەرى قىزمەت ەتكەن. پوليسياداعى قىزمەتى بارىسىندا 1،2،3-دارەجەلى «ىشكى ىستەر ورگاندارىنداعى ءمىنسىز قىزمەتى ءۇشىن» مەدالدارىمەن، «قازاقستان پوليسياسىنا 20 جىل» كەۋدە بەلگىسىمەن، ق ر ءىىم، ءىىد باستىعىنىڭ گراموتالارىمەن ناگرادتالعان. مارقۇمنىڭ ارتىندا ايەلى مەن ءۇش قىزى قالدى.

كوز جۇمعان ەكىنشى پوليسەي – پوليسيا لەيتەنانتى – مەيرامبەك نۇريددا ۇلى راحماتۋللايەۆ. 1992 جىلى تۋعان. المالى اۋدانى ءىىب-نىڭ ۋچاسكەلىك پوليسيا ينسپەكتورى. ءىىو-دا 2012 جىلدان بەرى قىزمەت ەتكەن. قىزمەت بارىسىندا بىرنەشە رەت ق ر ءىىم، الماتى قالاسى ءىىد باستىعىنىڭ گراموتالارىمەن ناگرادتالعان. ۇيلەنگەن.

«الماتى قالاسى ءىىد باسشىلىعى، ارداگەرلەر كەڭەسى مەن جەكە قۇرامى قازا بولعان سەرىك ابىلدايەۆ پەن مەيرامبەك راحماتۋللايەۆتىڭ جاقىندارى مەن تۋىستارىنا قايعىلارىنا ورتاقتاسىپ كوڭىل ايتادى» دەلىنگەن ءىىد باسپا ءسوز قىزمەتى تاراتقان حابارلامادا.