ەگەر 100 % كىرىستى تۇرعىن ۇيگە ارناسا، وندا شارشى مەترىن 8 جىلدا ساتىپ الۋعا بولادى، - دەپ حابارلايدى Qamshy.kz. 

ەلىمىزدىڭ وڭىرلەرىندە  جىلجىمايتىن مۇلىككە بەلسەندى تۇرعىندار ەكى باس قالالاردان مۇددەلى. «كرىشا» ستاتيستيكاسىنىڭ مالىمەتىنشە،  استانا، شىمكەنت، تاراز، اقتوبە، اتىراۋ جانە تالدىقورعان قالاسىنىڭ ساتىپ الۋشىلارى پاتەردى الماتى قالاسىنان ءجيى ىزدەيدى.  ال استانادان قىزىلوردا، قاراعاندى، الماتى، وسكەمەن جانە اتىراۋ قالاسىنىڭ ساتىپ الۋشىلارى ىزدەيدى ەكەن.

«كرىشا» بۇل ستاتيستيكانى ق ر ستاتيستيكا كوميتەتىنىڭ 2016 جىلعى ءىى توقسانىنداعى ورتاشا جالاقىعا قاراپ، ەلىمىزدىڭ ءارتۇرلى ايماعىنداعى تۇرعىندار الماتى مەن استانادان جىلجىمايتىن مۇلىكتى قانشا جىلدا الا الاتىنىن ەسەپتەپ كەلتىرەدى.

ەگەر وسى ايماقتارداعى پاتەردىڭ قۇنى شامامەن 14،2 ملن تەڭگە (ورتاشا يندەكسپەن ءبىر شارشى مەترى 355،2 مىڭ تەڭگە) دەپ الساق، وندا، تابىستىڭ 100 % - ىن تەك قانا تۇرعىن ۇيگە قۇيىپ وتىرسا، 8 جىلدان سوڭ الا الادى ەكەن.

رەسپۋبليكانىڭ نەگىزگى قارجى-ەكونوميكالىق ورتالىعى اتىراۋ مەن ماڭعىستاۋ وبلىسىنىڭ تۇرعىندارىنا جىلجىمايتىن مۇلىك قولجەتىمدى بولادى. سايكەسىنشە، بۇل ايماقتاردا ورتاشا جالاقى 237-265 مىڭ تەڭگە ارالىعىندا. ولاردىڭ جىلجىمايتىن مۇلىك قارجىسىن 4،5-5 جىلدا جيناۋعا مۇمكىندىگى بار.

استانا مەن الماتى تۇرعىندارى 187-205 مىڭ تەڭگە جالاقى السا،  5،8 جانە 6،3 جىلدا تۇرعىن ۇيگە قول جەتكىزەدى ەكەن.

ال وزگە ايماقتاردا ورتاشا ەسەپپەن 8 جىلدان استام ۋاقىت قاجەت. اتاپ ايتقاندا، الماتى جانە اقمولا وبلىسىنىڭ (11-11،2 جىل) تۇرعىندارى ەكەنى انىقتالعان.  ال وقو جانە سقو تۇرعىندارى 11،5 جىلدا السا، جامبىلدىق ساتىپ الۋشىلارعا كەم دەگەندە 12 جىل قاجەت بولادى ەكەن.

ەگەر اي سايىن شىعاتىن بارلىق شىعىنداردى، ونىڭ ىشىندە ازىق-تۇلىك، كوممۋنالدىق قىزمەت اقىسى، جولاقى، دارى-دارمەك ت.ب ەسكەرسەك، وندا جىجىمايتىن مۇلىككە جيناقتايتىن قاراجات مەرزىمى ۇزارا تۇسەدى. تەوريالىق تۇرعىدان الىپ قاراعاندا، كوپتەگەن ايماقتاردىڭ تۇرعىندارى ءۇشىن تۇرعىن ۇيگە اقشا جيناقتاۋ 30 جىلدان اسىپ تۇسەدى. ياعني ادام ءبىر پاتەرگە قول جەتكىزۋ ءۇشىن ەڭبەككە جارامدى بارلىق جىلىن ارناۋىنا تۋرا كەلەدى.