استانادا ءۇش جاسار بالا بەسىنشى قاباتتاعى پاتەردىڭ تەرەزەسىنەن قۇلاپ كەتكەن. ءبىراق، ءحالى ناشار كۇيدە اۋرۋحاناعا ءتۇستى. ءبىر وكىنىشتىسى، ەلوردادا تەرەزەدەگى توردى جىرتىپ، دالاعا  اۋىپ كەتكەن  ۇل-قىزدىڭ سانى ازايماي وتىر. ءسويتىپ ماسادان قورعايتىن تور بوبەكتەردىڭ ولىمىنە نە مۇگەدەك بوپ قالۋىنا  اكەپ  سوقتىرۋدا. ونىڭ ۇستىنە بيىل استانادا جۇزدەگەن بالا بيىكتەن قۇلاپ اۋىر جاراقات العان. ال، دارىگەرلەر گيپس سالىپ ۇلگەرمەي جاتىر، - دەپ حابارلايدى Qamshy.kz كتك ارناسىنا سىلتەمە جاساپ.

استانانىڭ  بالالار اۋرۋحاناسىندا بىرنەشە ايدان بەرى  تىنىم جوق. بۇگىن  حيرۋرگتەر  باسى جارىلىپ، اۋىر دەنە جاراقاتىمەن تۇسكەن  3 جاسار ءسابيدى امان قالىپ الۋ ءۇشىن تاعى  بارىن سالىپ جاتىر. ول 5ء-شى قاباتتىڭ تەرەزە جاقتاۋىندا ويناپ وتىرىپ، توردان اۋىپ كەتىپتى. بىرنەشە مينۋتتان سوڭ كەلگەن اناسى بالاسىن جەردەن قان-جوسا كۇيىندە تاۋىپ الىپ، ەڭىرەپ جىلاعان.

رەانيماسيادان شىققان ءاليمۇسا دا گيپس سالىنعان اياعىن اۋىرسىنىپ جىلاپ جاتىر. بىردەن ەندى اسقان ۇل ەكىنشى قاباتتىڭ تەرەزەسىنەن جەرگە قۇلاعان. پەرىشتەسى قاققان بالا، اجالدان امان قالىپ ءقازىر بەتى بەرى قاراپ كەلەدى.

ايدانا سىربايەۆا، ءاليمۇسانىڭ اناسى:

ء-بىز اتا-اناسى جۇمىستا بولدىق. بالامىز اتا-اجەسىنىڭ ۇيىندە بولعان، ەكىنشى قاباتتا. اتا–اجەسى ءبىز كەلەردە،ساياجايعا كەتىپ، 10 جاسار ىنىمىزگە قالدىرىپ كەتكەن مۇسانى. ول تەرەزەنىڭ الدىندا ويناتىپ تۇرعاندا بايقاۋسىزدا توردان  شىعىپ كەتىپتى.

توردان كەلگەن تاجال ۇلكەندى دە، كىشىنى دە اياپ جاتقان جوق. ونىڭ ۇستىنە جازعى كانيكۋل كەزىندە جوعارىدان قۇلاپ ، باسى جارىلىپ قول-اياقتارى سىنعاندار اۋرۋحاناعا سىيار ەمەس. دابىل قاققان  اق حالاتتىلار كىشكەنتايلارىن قاراۋسىز قالدىراتىن اتا-انالاردىڭ جاۋاپسىزدىعىنا كۇيىنىپ وتىر.

حالىق كۇلمانوۆ، نەيروحيرۋرگ:

-23- بالا جوعارى قاباتتاردان قۇلاپ،جاراقاتتارىمەن ءتۇستى. سونىڭ ىشىندە 2 بالا قايتىپ كەتتى. قالعانى ءبىزدىڭ رەانيماسيا بولىمشەسىندە.

وسىنداي وقيعالار جازدا كوبەيەدى. ماسەلەن، جاقىندا الماتىدا اياققا ەندى تۇرعان ۇل 12 قاباتتى ءۇيدىڭ تەرەزەسىنەن قۇلاپ مەرت بولدى. ءبىراق، جانتۇرشىگەرلىك وقيعالار اتا-انالارعا ساباق بولار ەمەس.  وسىلايشا، ۇلكەندەر ماسادان قورعانامىز دەپ جۇرگەندە، زاردابىن كىشكەنتايلار تارتۋدا. بۇل سۇمدىقتىڭ الدىن-الۋ ءۇشىن استانالىق دارىگەرلەر اكىمدىككە حات جازىپ، ءۇي سالاردا تەرەزەنىڭ مىقتاپ بەكىتىلۋىن سۇراعان. اق حالاتتىلار جازدا اشىق تۇراتىن تەرەزەدەگى مۇنداي تورلاردى كىشكەنتاي ۇل-قىزى بار وتباسىلاردىڭ پايدالانباۋىن سۇراپ وتىر.