اقمولا وبلىسىندا لاڭكەستىككە قاتىسى بار بولۋى مۇمكىن دەگەن ءتورت كۇدىكتىگە ىزدەۋ جاريالاندى. قارۋ اسىنعان سودىرلاردىڭ ءتىپتى،  سيرياداعى سوعىستارعا دا قاتىسقانى بەلگىلى بولدى، - دەپ حابارلايدى Qamshy.kz 31-ارناعا ارناسىنا سىلتەمە جاساپ.

پروكۋرورلاردىڭ  حابارلاۋىنشا، بوستاندىقتا قاشىپ جۇرگەن كۇدىكتىلەردىڭ كوكشەتاۋ ماڭىندا بولعان بىرنەشە قارۋلى قىلمىسقا تىكەلەي قاتىسى بولعان. ءبىراق، ءدال ءقازىر ولاردىڭ قايدا جۇرگەنى  جانە ءداستۇرلى ەمەس راديكالدى توپتىڭ قۇرامىنا ەنىپ، سيريا ۇكىمەتىنە قارسى سوعىسۋعا كىمدەردىڭ ۇگىتتەپ الىپ كەتكەنى دە بەلگىسىز.

ىرىستى ايتجانوۆا، اقمولا  وبلىستىق  ءباسپاوز قىزمەتىنىڭ جەتەكشىسى:

- الەۋمەتتىك اقپارات قۇرالدارىنا شىققان اقپاراتتى راستايمىز. ىزدەستىرۋ جۇمىستارىنا كەدەرگى  كەلتىرمەۋ ءۇشىن وزگە اقپارات ازىرگە قۇپيا كۇيىندە ساقتالادى.