الماتىدا 18 جاستاعى مەكتەپ تۇلەگى جۇلدىز ەرمانوۆا جوعالىپ كەتتى، - دەپ حابارلايدى Qamshy.kz.
قىزدىڭ اپكەسىنىڭ ايتۋىنشا، جۇلدىز 1 تامىز كۇنى كەشكى 18.00 شاماسىندا ۇيدەن شىعىپ كەتىپ، قايتا ورالماعان.
"جۇلدىز مەلومەن كىتاپ دۇكەنىنە ءجيى باراتىن. ءبىراق ول كۇنگى بەينەكامەراعا تۇسپەگەن. ءساۋىر ايىندا 18 جاسقا تولعان ءسىڭىلىم بيىل مەكتەپ ءتامامداپ، وقۋعا تۇسۋگە دايىندالىپ جۇرگەن" دەگەن اپكەسى ونىڭ كەزدەسىپ جۇرگەن جىگىتى جوق ەكەنىن، ءتىپتى دوستارىنا دا بارماعانىن ايتتى.
قىزدىڭ ەرەكشە بەلگىلەرى: ەرەكشە ادەمى، شاشى ۇزىن، كوزىندە شەتى قارا كوزىلدىرىگى بار. سول كۇنى دجينس پەن قارا جەيدە كيگەن.
ءقازىر قىزدى جاقىندارى مەن الماتى پوليسياسى ىزدەستىرۋدە. اپكەسىنىڭ قۇربىسى بويجەتكەندى ىزدەۋگە ەرىكتىلەر دە جيناۋدى جوسپارلاپ جاتىر.
